МҮЭ-ийн холбоо 108 жилийн түүхтэй 21 аймагт салбар холбоотой 200 мянга гаруй гишүүнтэй иргэний нийгмийн төлөөлөл болсон байгууллага.  Үйлдвэрчний эвлэлийг ажилтныг төлөөлж орж ирж байгаа дуу хоолой гэдэг. Харин манай улсын хувьд эл байгууллага хаалттай улс төржсөн үйл ажиллагаа явуулдаг гэх шүүмжлэлд үргэлж өртдөг нууц биш. Ямартай ч  МҮЭ-ийн холбооны гишүүд дөрвөн жилд нэг удаа хуралдаж, МҮЭ-ийн холбооны ерөнхийлөгчөө сонгодог журамтай.  Уг байгууллагын их хурал энэ болох бөгөөд хурлыг нууцаар хуйвалдааны журмаар хийх гэж байна гэж үзэн шаардлага хүргүүлжээ.

Уг шаардлагад  “МҮЭ-ийн Их хурал хэдэн сарын хэдний өдөр, хаана болох, хэн нэр дэвших талаар бүх гишүүдэд мэдээлэл байхгүй байна.  Товчхондоо 200 гаруй мянган гишүүнийг 200 гишүүнээр, дарга нараар төлөөлүүлж хуйвалдааны нууц хурал хийх гэж байна. Энэ нь нийт гишүүдийн 0,1 хувийг эзэлж байгаа ба багадаа 2000 гишүүдийг их хуралд оролцуулах шаардлагатай.

 Ийнхүү нууц хурал хийснээр дараагийн Улсын Их Хурлын гишүүдийг бэлдэж, МҮЭ-ийн гишүүдийн татварыг зүй зохисгүйгээр зарцуулах, хөрөнгө мөнгө, газрыг үрэн таран хийх хүнийг дахин сонгох болно. Иймээс ҮЭ-ийн гишүүд бид, нууц их хурлыг зогсоох, их хурлын төлөөлөгчдийн тоог нэмэгдүүлэх замаар төлөөллийг оролцоог хангах шаардлагыг МҮЭ-ийн холбооны удирдлагууд, ерөнхий зөвлөлд хүргүүлж байна.

МҮЭ-ийн холбооны Гишүүндээ бус Намд үйлчилдэг тогтолцоог устгаж, шинэчлэх үйл хэрэгт Монгол орны өнцөг булан бүрт ажиллаж амьдарч буй ҮЭ-д татвараа төлдөг, жирийн гишүүддээ УРИАЛЖ БАЙНА. “ гэлээ.