Ерөнхий сайдыг орлогоо нотол гэсний төлөө хамтарсан Засгийн газар муу ажилласан, огцруулна гэх хачин гаргалгааг Бага хурлаараа гаргаж, өчигдөр нууц санал хураалтаар аваад хаячихлаа.  Үр дүн нь манай улсын нэгдүгээр хүн MCS-ийн талд байдаг юм байна гэдгийг л нотоллоо. МАН-ын угжны сүүг ханган нийлүүлэгч MCS-ийн эрх ашгийг хамгаалагчдын тулаан эдүгээ энэ улсын засаглалд хохирол учруулахуйц хэмжээнд оччихсон болохыг ч бас харууллаа.

Мэдээж, нийтийн албан тушаалтан хөрөнгө орлогоо мэдүүлж, нотлох нь хууль ёсны хэрэг.  Ерөнхий сайд, ердийн төрийн албан хаагчдад ч хамаарах хууль зүйн үндэслэл. Үндэслэлийн дагуу АТГ Ерөнхий сайд Л.Оюун-Эрдэнэ, түүний хүү О.Тэмүүлэн нарын охөрөнгө орлогыг хууль ёсных эсэхийг шалгаж байгаа.

Шаардлага зөв ч шал далийж огцруулах хэмжээнд хэмжээнд очсон шалтгааны цаадтай Ухаа худгийн орд, бүр тодруулбал, МCS-ийн эрх ашгийн асуудал хөндөгдөж байсан нь бодит үнэн. Шулуухан хэлэхэд, Монгол төрийг 30 гаруй жил сандайлсан олигархи, төрөөс төрсөн тэрбумтнуудын эрх ашгийг Ерөнхий сайд асны өргөн барьсан Хууль бус хөрөнгө орлогыг улсынх болгох, стратегийн ордуудын тодорхой хувийг улс авч, Үндсэн хуульд заасанчлан ард иргэддээ хүртээх хуулийн гаргалгуунууд үүрээ эвдүүлсэн шоргоолж мэт бужигнахад хүргэсэн. Тендэрийн мангас хэмээгддэг тус компанийн тэжээврүүд төр засаг руу боргож, боолчилж чаддаг гэдгээ л харуулллаа.

Одоо огцорсон Л.Оюун-Эрдэнийн орлого, хөрөнгийг нотлох нь АТГ-ын ажил.  Харин одоо Ж.Баярмааг ахынхаа ард түмнээс луйвардсан Глобын мөнгөөр 30 ширхэг үл хөдлөх хөрөнгө авч зарж үрж, эргэлдүүлж мөнгө угаагаагүйгээ нотлохыг шаардах эрхтэй. Найз охиных нь үхэл өөрт нь хамаатай эсэх нь эцэслэгдээгүй байхад, төв талбайд жагсаал хийн, мөнгөөр жагсагчдын мундаг үлгэр жишээ болж яваа О.Уламсайханыг хамтран амьдарч байсан бүсгүйгээ амиа хорлох хэмжээнд хүртэл дарамтлаагүйг нотлохыг шаардах ёстой. Насаараа сэтгүүлч явлаа хэмээн хөөрөлхөгч УИХ-ын гишүүн Ч.Лодойсамбуу MCS-ийн Ж.Оджаргалын дүүгийн Велла Бэста-гийн байрыг түрээслэдэг гэх 20 сая төгрөгөө хаанаас олдгоо тайлбарлах үүрэгтэй. Мэдээж MCS-ийн Ж.Оджаргал улсын хөрөнгөөр нөөцийг тогтоосон Ухаа худаг ордыг ямар аргаар өөрийн болгосноо тайлагнах албатай. Угаагаагүй, дарамтлаагүй, тэжээгдээгүй, луйвардаагүйгээ нотол.