Өнөөдөр “Монгол генералын өдөр” буюу Монгол Улсад генерал цол бий болсны 81 жилийн ой тохиож байна.
“Эх орныхоо эрх чөлөө, тусгаар тогтнолыг батлан хамгаалах үйл хэрэгт онц гарамгай гавьяа байгуулсан цэргийн дээд дарга нарт олгох” ГЕНЕРАЛ хэмээх цэргийн дээд цолыг БНМАУ-ын Ардын Сайд нарын зөвлөлийн 1944 оны 04 дүгээр сарын 28-ны өдрийн тогтоолоор анх бий болгосон нь монгол цэргийн шинэ үеийн түүхийн нэгэн тэмдэглэлт үйл явдал болсон юм.
Монгол Улсын генерал цолтнуудын хамгийн ахмад нь Дорноговь аймгийн Хатанбулаг сумын уугуул 103 настай хурандаа генерал С.Лувсангомбо юм. Харин цор ганц эмэгтэй генерал болох бригадын генерал Г.Болор Монгол Улсаас НҮБ-д суугаа Байнгын төлөөлөгчийн газрын цэргийн зөвлөхөөр ажиллаж, үүргээ нэр төртэй гүйцэтгэж байна.
Монгол цэргийн сүр хүч, сүлд хийморь болсон "Алтан мөрдэстнүүд"-ээ баярын мэнд дэвшүүлье.