Г.Буянхишиг охин 12-р ангид сурдаг. Уг нь төгсөх ангийн сурагчид хичээлдээ шамдах, ЭЕШ-даа бэлдэхээс илүү чухал зүйлгүй мэт боловч Г.Буянхишиг охин өвчтэй ээж, ах болон зургаан дүүгийнхээ амьжиргааг залгуулахаар хичээлийнхээ хажуугаар гурван давхар ажил хийдэг. Жимсний худалдагч, хүүхэд асрагч гээд цаг наргүй ажилладаг охинд туслах хандивын аяныг талийгаач аавынх нь найз Д.Ганзориг санаачилж одоогоор 11 сая төгрөг цуглаад байна. 

Мөн дараах үр дүн гарч, үйл явдал боллоо. 

1. Х Богдын ээж, Н.Мөнхнасан шарк Буянхишиг охинтой уулзаж оюутан болох үеийн сургалтын төлбөр бүх зардлыг нь даахаа амлаж, цалин өндөр тогтвортой ажлын байраар хангах боломжтойгоо хэлсэн.

2. ЦӨМ сургалтын төв охиныг ЭЕШ-д өндөр оноо авч, их дээд сургуульд амжилттай элсүүлэхэд үнэ төлбөргүй бэлдэж, туслахаар болсон

3. МУГЖ, дуучин Д. Отгонжаргал  тэргүүтэй Гоолингоо клубт хичээллэдэг бүсгүйчүүд маань мөнгөн хандиваар нэгдэхээ илэрхийлсэн

4. Сайхан сэтгэлт Монголчуудын минь хандив 11.309.714 төгрөгт хүрчээ.

5. Г.Буянхишиг охины талийгаач аав нь Баянхонгор аймгийн Баацагаан сумын уугуул байсан бөгөөд тус сумын Засаг дарга С.Энхтөр 2 сая төгрөгийн хандив илгээсэн байна. 

Энэ бүхэн маань Гоолингоо Клуб-ын багш, үзэсгэлэнт Р.Ариунтунгалаг гэх эмэгтэйн хичээл зүтгэл гэдгийг энд онцлон талархах нь зүйтэй.

Мөн утсаар нь холбогдоод хандив өгсөн, ар гэрт нь очиж хоол хүнс, хувцас , бэлэн мөнгөний туслалцаа үзүүлсэн сайхан сэтгэлтэй бүх хүмүүст баярлалаа.

Одоо энэ гэр бүлийг дулаахан, аюулгүй орон гэртээ болгох эцсийн зорилго руугаа дахин нэг ханцуй шамлаж, та бүхнийгээ нэгдээсэй хэмээн уриалж байна.

Маш олон хүн охины өөрийнх нь данс байвал хандив өгмөөр байна гэсний дагуу данстай болгосон шүү.

ХАНДИВЫН ДАНС: 5433175892 Г.БУЯНХИШИГ ХААН БАНК

Г. Буянхишиг охины  гэрээс өнөөдөр орой /2024.10.25/ лайв хийж хандивын явц, үр дүнгийн талаар мэдээлэл хийнэ. Та бүхний хийсэн буян буцахдаа бороо мэт шаагих болтугай.