Орос, Хятад гэх  хоёр хүчирхэг гүрний дунд хавчуулагдсан, байгалийн нөөцөөр баялаг Монгол Улсын Ерөнхий сайд Л. Оюун-Эрдэнийн 23 настай хүү О.Тэмүүлэнгийн сүйт бүсгүй найз залуугийнхаа бэлэглэсэн үнэтэй, тансаг брэндүүдийн хувцас, цүнх, үнэт эдлэл, Mercedes Benz машин зэргийг Instagram нийгмийн сүлжээнд нийтэлсэн нь олны анхааралд өртжээ. Төрийн албан хаагчийн гэр бүл орлогоосоо хэтэрсэн тансаг хэрэглээтэй байгаа нь олны уур бухимдлыг төрүүлж, Ерөнхий сайд болон түүний хүүг орлогоо нотолж, албан тушаалаасаа огцрохыг шаардсан залуусын жагсаал Улаанбаатар хотын төв талбайд 10 гаруй хоног үргэлжилж байна. Ерөнхий сайд Л. Оюун-Эрдэнэ өөрийгөө ард иргэдийнхээ хамт Монгол Улсын байгалийн нөөцийн ордуудыг эзэмшдэг цөөн тооны олигархуудын эсрэг тэмцэгч хэмээж байсан нь саяхан.

Ерөнхий сайд Л. Оюун-Эрдэнийн ойрын эх сурвалжуудын мэдээлснээр Л. Оюун-Эрдэнэ энэ мягмар гарагт УИХ-д түүнд итгэл үзүүлэх тухай төслийг өргөн барих ба энэ асуудлаар ирэх долоо хоногт УИХ санал хураалтаа явуулах аж.

Ямартай ч өнөөдрийг хүртэл Л.Оюун-Эрдэнэ өөрийнхөө орлогыг нотлоход бэлэн гэдгээ илэрхийлснээс өөр ямар ч тайлбар мэдэгдэл хийгээгүй хэвээр байна.Одоогоор Ерөнхий сайд Л. Оюун-Эрдэнийг огцруулах цахим өргөдөлд гарын үсгээ зурсан хүмүүсийн тоо 59 мянгыг даваад байгаа ба иргэд түүнийг баян ядуугийн ялгаа, эрх тэгш бус байдал улам нэмэгдэж, инфляцын түвшин өсөж, хэвлэлийн эрх чөлөө буурсан явдалд буруутгаж байгаа юм.

Гэвч Ерөнхий сайдын хүүгийн амьдралын хэв маягийг Монгол Улсын Ерөнхийлөгч Ухнаагийн Хүрэлсүхийг дэмжигчид түүнд УИХ-ыг огцруулж, хоёр дахь удаагаа бүрэн эрхээ хэрэгжүүлэх эрх мэдэл олгох зорилгоор ашиглаж байна гэж эх сурвалжууд мэдээлж байна. Одоогоор етус улсын Ерөнхийлөгч зөвхөн нэг удаа зургаан жил ажиллах боломжтой. Ерөнхийлөгч У.Хүрэлсүх өнгөрсөн есдүгээр сард Ерөнхийлөгч Владимир Путиныг Монголд урьснаар Европт маргаан дэгдээсэн. Учир нь Монгол Улс Ромын дүрэмд гарын үсэг зурсан орны хувьд ОХУ-ын удирдагчийг Украинд дайны гэмт хэрэг үйлдсэн хэргээр олон улсын эрүүгийн шүүхээс баривчлах үүрэгтэй байсан юм. Юутай ч өмнө нь тус улсын Ерөнхий сайдаар ажиллаж байсан, одоогийн Ерөнхийлөгч  МАН-ын гишүүн У.Хүрэлсүх хоёр дахь жилдээ зургаан жилийн турш нэр дэвших хүсэлтэй гэх шүүмж ч бас байна.

Эргэн сануулахад, Л.Оюун-Эрдэнэ нь аравхан сарын өмнө Ерөнхий сайдаар улиран сонгогдож, нам нь 126 суудалтай парламентад 68 суудал авсан билээ. Гэвч улс орны эдийн засгийг шинэчлэхэд шаардлагатай урт хугацааны өөрчлөлт, тухайлбал Үндэсний баялгийн санг хөгжүүлэх, дэд бүтцийн томоохон хөрөнгө оруулалт хийх зэрэг асуудлаар улс төрийн зөвшилцөлд хүрэхийг хичээж, дангаараа засаглахын оронд АН /42 суудал/, ХҮН нам /8 суудал/ гэсэн гурван намтай эвсэл байгуулсан. Гэвч АН-ын гурван гишүүн Ерөнхий сайдыг эсэргүүцсэн гудамжны жагсаалыг дэмжиж байгаагаа илэрхийлсний дараа МАН-ын Бага хурал хаалттай хуралдаж, АН-ыг эвслээс хаслаа гэж зарласан нь Ерөнхий сайдын хувьд төгсгөл болж мэдэхээр байгаа юм.

Харин Шадар сайдаар ажиллаж байгаа АН-ын дарга Л.Гантөмөрийн хувьд гурван гишүүний байр суурь өөрийнх нь болон намынх нь байр суурь биш, харин үзэл бодлоо чөлөөтэй илэрхийлэх эрхээ эдлэх нь эвслийн гэрээнд харшлахгүй гэж мэдэгдээд байгаа юм.

Ийнхүү Монгол Улсын Ерөнхий сайд Л.Оюун-Эрдэнийн хүүгийн тансаг хэрэглээ ард иргэдийн бухимдлыг төрүүлж, түүнийг албан тушаалаасаа огцрохыг шаардсан иргэдийн жагсаал, цуглаан өрнөж буйтай холбоотойгоор Ерөнхий сайд Л.Оюун-Эрдэнэ Монгол Улсын Их Хуралд, Ерөнхий сайдад итгэл үзүүлэх тухай эсэх тухай асуудлыг оруулахаар төлөвлөж байна.

Эх сурвалж: The Guardian