“Чухлыг онцолъё” уриатай www.check.mn сайт нь “Best check media” ХХК-ийн өмч бөгөөд цахим сэтгүүл зүйн контентод суурилсан хараат бус хэвлэл мэдээллийн байгууллага юм.

Редакцийн ёс зүй

Бид хүний язгуур эрх, эрх чөлөөг эрхэмлэн дээдэлж, олон улсын жишигт нийцсэн мэргэжлийн ёс зүйн дараах зарчмыг мөрдлөг болгон ажиллахаа тунхаглаж байна.

1. Олон нийтийн мэдэх эрхийг үнэнд нийцсэн мэдээллээр хангаж, хүнлэг ёс, хүн чанарыг эрхэмлэн дээдэлж, ажиллана.

2. Мэдээллийг шударгаар олж авах ба аливаа мэдээллийг мушгин гуйвуулах, бусдыг гүтгэх, доромжлох, мэргэжлийн давуу байдлаа урвуулан хувийн зорилгод ашиглахгүй.

3. Хэнийг ч арьс өнгө, яс үндэс, гарал угсаа, нас, хүйсийн байдал, эрүүл мэнд, бэлгийн чиг баримжаа, шашин шүтлэг, гэр бүлийн байдлаар нь ялгаварлан гадуурхалтын золиос болгохгүй.

4. Аливаа дуулиан шуугианаас илүүтэй нягтлан шалгаж, баримтаар нотлогдсон мэдээллийг олон нийтэд түгээхийг чухалчилна.

5. Хүний язгуур эрх, эрх чөлөөг ямагт дээдэлж, хувь хүний нууцад хүндэтгэлтэй хандана. 

6. Мэдээллийн нууц эх сурвалжаа чандлан хадгална.

7. Төлбөрт нийтлэл, нэвтрүүлгийг тусгай тэмдэг, тэмдэглэгээгээр ялгана.

Сheck.mn сайт нь мэргэжлийн үйл ажиллагаагаа явуулахдаа хараат бусаар ажиллаж, иргэдийн үзэл бодлоо илэрхийлэх, мэдэх эрхийн талбар, нийгмийн соён гэгээрлийн толь болж ажиллахаа үүгээр илэрхийлж байна.