Ийм сайхан биетэй төрүүлсэн эцэг, эхдээ талархаж явдаг.

Check.mn сайтын Day’s vibe влогт ээлжит зочноор жүжигчин А.Туяа оролцлоо. Түүний хувьд яг одоо видео стрийминг сувгуудаар үзэгчдэд хүрч буй “Дуудлагаар хов базагч” МУСК-нд гол дүр бүтээгээд байгаа юм.

Тэрээр бидний асуултад ийн хариуллаа.

- Сайн байна уу? Та ойрд “Хов базаад” завгүй байна уу. Хов базах үйлчилгээний хөлс нь хэд юм бэ?

- Сайн байна уу. Тодорхой хэлсэн гэж бодож байна. Кино үзсэн хүмүүс ерөнхийдөө ойлгож байгаа байх аа.

-Ер нь та хов базах дуртай юу? Хов базахаар ямар мэдрэмж төрдөг вэ?

- Сэтгэл санаа онгойгоод сайхан болчихдог ш дээ. /инээв/

-Ойрд ажил ихтэй байна уу. Өнөөдөр та ямар ямар ажил төлөвлөөд байна вэ?

- Зун болохоор уран бүтээлчдийн ажил ид оволздог. Энэ зун миний хувьд ажил ихтэй л байна. Ажил амралтаа хэрхэн зохицуулах вэ гэж бодож сууна даа.

-Таны өглөө өнөөдөр хэрхэн эхэлсэн бэ. Ер нь ямар өглөөд дуртай вэ?

-6:30 цагт эхэлсэн. Уран бүтээлтэй үед ерөнхийдөө эрт сэрчихдэг юм. Уран бүтээлгүй үедээ унтахыг илүүд үздэг. Хамгийн их унтсан өглөө л хамгийн гайхалтай байдаг даа.

-Өнөөдрийн сэтгэл санаагаа юутай зүйрлэхээр байна вэ?

-Онгоцноос хоцрох гээд байгаа юм шиг, тийм яаруу мэдрэмж төрөөд байна. Ар араасаа төлөвлөсөн ажлууд их байгаа болохоор. /инээв/

-Ямар хүмүүстэй уулзаж, ярилцах илүү дуртай вэ. Эсрэгээрээ ямар хүмүүстэй хамт байхад VIBE нийлдэггүй вэ?

-Амьдралын туршлагатай хүнтэй уулзаж, ярилцах дуртай. Масктай хүмүүстэй vibe нийлдэггүй.

-Таны анхны үнсэлт хаана, хэдэн настайдаа болж байв? Анхны үнсэлтээс мэдэрсэн дурсамжаа хуваалцахгүй юу?

-10 жилдээ тоглоомоор бие биенээ үнсэж байсан.

-Танд ямар эрэгтэй таалагддаг вэ?

-Үг, үйлдэл нь зөрдөггүй, хэлсэн үг, үйлдэлдээ үнэнч тийм л эрэгтэй хүн таалагддаг.

-Өөрийнхөө биеийн аль хэсэгт илүү дуртай вэ?

-Урьд нь биеэ их өөлдөг байсан. Харин одоо бол энэ биедээ маш их хайртай. Эцэг эх маань ийм сайхан биетэй төрүүлсэнд нь талархаж явдаг даа.

-Хамгийн сүүлд хаанаас өөртөө юу худалдаж авсан бэ?

-Интернэтээс онлайн худалдан авалт хийсэн юм байна. Ер нь хүмүүс гадуур гарч юм авахаасаа илүү цагаа хэмнээд онлайнаар худалдаа хийдэг болсон шүү дээ.

-Хамгийн их мөнгө үрдэг зүйл юу вэ?

-Ээмэг, бөгж гэх мэт акксесуар.

-Амьдралаас мэдэрсэн сургамжтай зүйлээсээ гурвыг нэрлэ гэвэл?

-Хүнд хэтэрхий сайхан хандаж болохгүй. Бас жаргал зовлонгоо бусдаас нуух ёстой юм байна гэдгийг их ойлгосон доо.

-Таны бусдаас өвөрмөц зуршил?

-Би их өөртөө арчаатай хүн л дээ./инээв/

-Аялах хэр дуртай вэ? Өмнө нь очсон ч гэсэн дахиж очихыг хүсдэг газар бий юу?

-Аялах их дуртай. Европын орнуудаар аялж, маш олон улс оронтой танилцмаар байна.

-Туяа гэдэг хүнийг гурван үгээр тодорхойлбол?

-Шударга, үнэнч гэж тодорхойлох юм байна. Дутагдлаасаа гэвэл цаг барьдаггүй талдаа юм уу даа. /инээв/

-Найзуудын тань өгч байсан хамгийн хачирхалтай зөвлөгөө?

-Яг тэр гэж хэлэх юм санаанд орохгүй байна. Гэхдээ ер нь л их хачирхалтай зүйлүүд зөвлөдөг дөө. /инээв/

-45 настай байх үеийн өөрийгөө төсөөлвөл?

-Төсөөлөөд бодсон чинь санаанд орж ирэх зүйлс алга байна. Яагаад гэвэл би яг одоо цагтаа, өнөөдөртөө амьдрах дуртай хүн. Тийм болоод ч тэр үү санаанд тодорхой зүйлс орж ирэхгүй байгаа юм байна.

-Манай влогт хэнийг ороосой гэж та бодож байна.

-“Оргио” брэндийн үүсгэн байгуулагч “Ажигана” ХХК-ийн захирал Э.Туулыг санал болгомоор байна. Миний хүндэлж явдаг, гоё эмэгтэй. Би инстаграм хуудсыг нь дагах дуртай