“GoMongolia”-г 2023 онд  танилцуулж  соёл урлаг, экспорт, аялал жуулчлал, уул уурхай гээд бүх салбарт энэ брэндингийг ашиглаж эхэлснээр  Монгол Улс 2024 онд 808 мянган жуулчин хүлээж авсан. 808 мянган жуулчны ард агаарын тээвэр, зочид буудал, жуулчны бааз, хөдөө орон нутгийнхан гээд орлого олж болохуйц салбаруудад жуулчдын мөнгө шингэсэн. Манай улсад ирж буй нэг жуулчин хамгийн багадаа 1500-3500 орчим ам.долларыг аяллынхаа турш зарцуулдаг гэсэн сонирхолтой тооцоо гарчээ.

Түүнчлэн жуулчдын тоо нэмэгдсэнээр өмнө нь долоо хоногтоо нийт 12-16 нислэг авдаг байсан бол одоо нэг өдөрт л 16-20 нислэг явж байна. Өөрөөр хэлбэл, Монгол гэх нэгдсэн урсгалтай,  нэгдсэн нэг бодлого буюу “Go Mongolia”-г хэрэгжүүлж чадсанаар  улсаа сурталчлах том  стратеги болсон гэсэн үг.

Мөн “Go Mongolia”-г хэрэгжүүлэхэд Соёлын яам, Гадаад харилцаа, Зам тээвэр гэх мэт үндсэн яамд оролцоотой ажилласан ч Соёлын яам бодлого стратеги дээрээ сайн сууж ажилласан. Их хурлын гишүүн Ч.Номин Соёлын сайдаар анх ажиллаж эхлэхдээ бидэнд “Аялал жуулчлалын салбарыг урт хугацаанд хэрэгжих сайн бодлогын баримт бичигтэй болгоод өгчихье, сайдаар ажиллах хугацаандаа миний амлах зүйл энэ” гээд ажлаа эхэлж байсан хэмээн салбарынхан онцоллоо.