Дэлхийн аялал жуулчлалын ирэх 10 жилийг тодорхойлох зорилготой хуралдаанд Ерөнхий Сайд Г.Занданшатар оролцож, үг хэллээ. Тэрбээр “Монгол бол үзэсгэлэнт байгал, өв соёл, нүүдэлчдийн амьдрал Чингис хааны өв уламжлалаараа хосгүй. Манай улс газар нутгийн хэмжээгээрээ дэлхийд 17-д ордог. Харин хүн амын хувьд цөөхөн. Нийт иргэдийн 65 хувь нь 65-аас доош насны залуус байна. Францаас 4 дахин том газар нутагтай. 3,5 сая хүн амтай, дэлхийн хамгийн сийрэг хүн амтай улсын нэг.

Соёлын өвөөс эхлээд адал явдалт аялал, спорт бизнесийн арга хэмжээ, түүхэн аялал жуулчлал зэрэг Монголын аялал жуулчлалын салбарт боломж их бий. Жуулчид зөвхөн харах гэж бус байгаль, өв соёл, амьдралын хэв маягийг мэдрэх гэж ирдэг. Монголд ирэх жуулчдын тоо жил бүр 10-15 хувиар өсөж байга бөгөөд цар тахлын өмнөх түвшнөөс давлаа.

Монголд байгалийн олон янзын тогтоцыгнэг дороос харж болно. Швейцарьтай төстэй сүрлэг уулс, Сахар шиг элсэн цөл ч бий.  Монгол Улс аялал жуулчлалаа дэмжихийн тулд визийн хөнгөлөлт, агаарын тээврийн либералчлал, хил дамнасан хамтын ажиллагаа мөн Go Mongolia үндэсний брендэг болон Монголд зочлох жил зэрэг бодлогын үйл ажиллагаануудыг хэрэгжүүлж байна. Бид та бүхнийг 2026 оны долдугаар сарын 11-нд болох Их Монгол Улс байгуулагдсаны 820 жилийн ой, Үндэсний их баяр наадамд хүрэлцэн ирэхийг урьж байна. Мөн зургадугаар сарын 29-30-нд болох Монголын эдийн засгийн форумд оролцохыг урьж байна. Эцэст нь хэлэхэд Монгол Улс бол бүс нутагтаа ардчиллын баян бүрд билээ. Та бүхэн Монгол Улсад тавтай морилно уу” гэлээ.