Уул усаа бараадан зугаалах нь улаанбаатарчуудын гол хобби. Хорт утааны баг зүүхдээ тултал манардаг утаанаасаа түр ч болов зугтагсад Урьханаар үйлчлүүлдэг. Гэвч  “Урьхан”-аар овоглоддог Б.Чинбатын үйлдсэн гэмт хэрэг нь увайгүй гэхэд зөөлдөм  байх  аж.  Тодруулбал, Булган аймгийн Бүрэгхангай сумын нутаг дэвсгэрт байрлалтай MV021972 дугаартай лицензтэй “Вайнд Майнд" ХХК-ийн хувьцаа эзэмшигч Б.Чинбат, Ариунболд нар нь / тухайн үед энэ компанийг эзэмшиж байгаад буцааж эзэнд нь зарсан/ 2022, 2023 онд алт олборлох үйл ажиллагаа явуулж байхдаа, зэрэгцээ орших өөрсдийн биш тусгай зөвшөөрөлтэй газрын хилийн зөрчин Туул голын сав хамгаалалттай 6,8 га газарт алт олборлолт явуулж "Ард түмний өмч" 500 кг алтыг хууль бусаар олборлож 200 гаруй тэрбум төгрөгийн хохирлыг Монгол Улсад учруулсан гэмт хэргийг үйлджээ.

Гэтэл энэ гэмт хэрэгтэй тэмцэхээр байгуулагдсан Экологийн цагдаагийн газрын дарга цагдаагийн хурандаа Цогтбаатар нь иргэдээс ирсэн мэдээллийг шалгалгүйгээр 1бүхэл бүтэн сарын хугацаанд дарж, эс үйлдэхүйгээр тусалсан байх юм. Шуудхан хэлчихэд эрүүгийн хэрэг үүсгэн шалгах байтал эсрэгээрээ гомдол мэдээллийг нуун дарагдуулсан гэсэн үг. Харин мань Б.Чинбат Эрүүгийн хуулийн тусгай ангийн 24.2. "Хууль бусаар ашигт малтал олборлох" хуулийг зөрчин 200 гаруй тэрбум төгрөг олжээ.

Үнэн хэзээд ялдаг гэдэгчлэн, нууж дарсан ч булавч бултайна гэдэг болж, алтны томоохон хулгайн асуудал Хууль зүй дотоод хэргийн сайдын түвшинд хүрчээ. Өөрөөр хэлбэл иргэний гомдол бүхэл бүтэн сарын дараа холбогдох албанд хүрч, хууль бусаар алт олборлож байсан үйлдлийг нь таслан зогсоож 0.7 кг алтыг нь хураан авч үйл ажиллагааг нь шалгаж эхэлсэн байна. Хачирхалтай нь Булган аймгийн цагдаагийн газар дээрх хэргийг шалгуулан хэргийн ул мөрийг замхруулж, гэмт хэргийн шинжгүй гэсэн үндэслэлээр хэргийг хаах саналыг прокурорт хүргүүлж прокурор хэргийг хааж, эд мөрийн баримтаар хураагдсан 0,7 кг алтыг буцаан өгчээ. Эдийн засгийн зохион байгуулалттай гэмт бүлэглэлд үйлчилсэн гэсэн үг.

Эх сурвалжийн өгүүлснээр хууль бус алт олборлолтоос олсон орлогоороо Б.Чинбат,  Г.Ариунболд нар нь “Эрдэнийн босго" ХХК-ийн Хулман нуур нүүрсний уурхайг худалдаж авсан байж болзошгүй гэнэ.

Гэтэл эл уурхайтай холбоотой гэмт хэргийг Улсын Ерөнхий прокурорын орлогч М. Чинбатын шийдвэрээр хэрэгсэхгүй болгож хааснаар хохирогч нар дахин гомдол гаргах эрхгүй болжээ. Түүгээр ч  үл барам  Б.Чинбатын цагдаагийн байгууллагатай холбогдож асуудлаа шийдвэрлэх ажлыг цагдаагийн чөлөөндөө гарсан хурандаа Пээдгэр Эрдэнэбаяр гэх хүн зохион байгуулдаг бөгөөд Цагдаагийн ерөнхий газрын Мөрдөн байцаах албаны дэд дарга бөгөөд залилах гэмт хэрэгтэй тэмцэх газрын дарга цагдаагийн хурандаа Б.Батдэлгэр, түүний гэмт үйлдлүүдийг хаацайлан хамгаалдаг гэх сураг байна. Харин хариуд нь Б.Батдэлгэрийн эхнэр Б.Чинбатын өмчлөлийн 1 тэрбум төгрөгийн үнэтэй машиныг унаж гангардаг гэж байгаа. Ташрамд дуулгахад, цагдаагийн байгууллагыг өөрийн хувийн хамгаалалтын алба мэт өөртөө үйлчлүүлдэг Б.Чинбат нь “Ид шидийн орон”-ы Чадраабалын Ганжавхлангийн авга ах юм байна. Тэр ч утгаараа хууль бус мөнгөө Ид шидийн орон төвийн дансаар оруулж “цэвэрлэдэг” гэх албан бус мэдээлэл бий.

Түүнчлэн эдийн засгийн зохион байгуулалттай гэмт бүлэглэлийг Урьханы хэмээх Б.Чинбат зохион байгуулж, Баянзүрх дүүргийн ерөнхий прокурор Ү. Содномцог нь Б.Чинбатын прокурортой холбоотой ажил хэргийг прокурорын шат, шатанд нь шийдвэрлэж өгдөг байж болзошгүй гэх хардлага ч байна.

Сонордуулхад, Төв аймгийн ИТХ-ын төлөөлөгч Б.Ганбатын төрсөн ах нь Б.Чадраабал. Өдгөө “Урьхан санаа" ХХК-ийг удирддаг. "Урьхан санаа" ХХК нь БГД-ийн 29 дүгээр хороо, Саппорогийн уулзварт байрлах барилгын материалын "Гурвалжин-1", "Гурвалжин-2" худалдааны төвүүдийг эзэмшдэг. Б.Чадраалбал нь "Ид шидийн орон”-оор танигдсан Ч.Ганжавхлангийн аав гэдгийг дээр дурьсан. Хамгийн ноцтой нь, Б.Ганжавхлан "Вайнд майнд” ХХК-ийг 2017 оны дөрөвдүгээр сард үүсгэн байгуулж, 2021 оны тавдугаар сард авга ах Б.Чинбатдаа шилжүүлсэн байдаг.

Гэтэл "Вайнд майнд" ХХК нь Булган аймгийн Бүрэгхангай сумын Туулын их тохойрол гэх газарт алт олборлож, алт угаасан усаа Туул гол руу хууль бусаар цутгаж байсныг 2022 онд Байгаль орчин, аялал жуулчлалын яамнаас илрүүлж, үйл ажиллагааг нь зогсоож байжээ. Ах дүүсийн хууль бус үйлдэл хийдэг байж болзошгүй асуудал үүгээр зогсохгүй. Эх сурвалжаас харахад, "Урьхан" ХХК-ийг үүсгэн байгуулагч нь Б.Чадраабал, "Урьхан" ХХК-ийн гүйцэтгэх захирал нь Б.Ганбат, "Урьхан" ХХК-ийн дэд захирал нь Б.Чинбат. Дүү Төв аймгийн ИТХ-ын төлөөлөгч Б.Ганбат нь "Урьхан” ХХК-ийг эзэмшдэг. "Урьхан” ХХК нь Улаанбаатар-Дарханы зам дагуух "Урьхан” зоогийн газрыг ажиллуулдаг гэж дээр дурьдсан.  “Урьхан" ХХК-ийн дэд захирлаар төрсөн ах Б.Чинбат нь ажилладаг байсан бөгөөд 2020 оны нэгдүгээр сарын 21-нээс "Эко төв аргууль” ХХК-ийг эзэмшдэг болжээ. Үүнээс ердөө сар гаруйхны дараа буюу 2020 оны хоёрдугаар сарын 17- ноос эхлэн Б.Чинбатын нэр дээр болон эзэмшиж буй "Эко төв аргууль” ХХК-ийн нэр дээр Төв аймгийн Борнуур сумын дөрөвдүээр баг, Улаанбаатар-Дарханы замаас холгүйхэн орших Ар гууль хэмээх газарт зургаан удаагийн захирамжаар нийт 280.000м2 газар олгожээ.

Хамгийн ноцтой нь, Б.Чинбатын газар авсан захирамжийн хугацаа нь 2020 оны орон нутгийн сонгуулийн өмнөхөн, 2024 оны сонгуулийн өмнөхөн гэсэн дамтамжтай байгаа юм. Мөн "Вайнд майнд" ХХК-ийн хууль бусаар үйл ажиллагаа явуулж байсан алтны уурхай, Булган, Бүрэгхангай сум, Туулын их тохойрол, "Инкоммаш" ХХК нь 2020 онд Байгаль орчин, аялал жуулчлалын сайдын тушаалаар Хан-Уул дүүргийн 23-р хороо, Арцатын аманд 51.104м2 газар эзэмшдэг юм байна. Энэ газар дээрээ 30 айлын тансаг зэрэглэлийн "Green hill” хотхоныг барьж худалдсан байдаг. "Green hill" хотхоны нэг айлын хаус нь 4.3 тэрбум төгрөгийн үнэтэй бөгөөд 30 айлын хаусыг 4.3 тэрбум төгрөгөөр тооцохоор 129 тэрбум төгрөгөөр худалдсан гэсэн үг. Эцэст нь тэмдэглэхэд, "Урьхан" зоогийн газрын дэд захирал байсан Б.Чинбат Дархан цаазат Богдхан уулын аманд яаж ямар хөрөнгийн эх үүсвэрээр 30 хаус барив гэдгийг хууль хяналтынхан шалгах ёстой.

Эх сурвалжууд:

ЭРЭН СУРВАЛЖЛАХ СЭТГГҮҮЛЧДИЙН АА НЭГДЭЛ

https://ergelt.mn/news/22/single/46881 https://www.facebook.com/share/v/1G5b9Fvi8n/ https://www.facebook.com/share/p/1BZqEsca9Z/