ОХУ-ын ерөнхийлөгч Владимир Путин цэргийн дайчилгаа зарласны дараа тус улсаас гарах иргэдийн тоо нэмэгдэж, тэр дундаа Монгол руу нэвтрэх гэсэн орос иргэд хилийн боомт дээр урт дараалал үүсгээд байгаа. Эхнээсээ хэдэн арваараа орж ирж, танхайн хэрэг, замын хөдөлгөөний дүрэм зөрчих зэрэг асуудлууд үүсгээд байгаа талаар бид мэдээлсэн.

Мөн орж ирсэн иргэд амралт, баар цэнгээн, уушийн газраар түлхүү үйлчлүүлж байгаа бололтой юм. Гачуурт, Тэрэлжээс эхлээд амралт зугаалгын бүс нутгаар орос иргэд явж, архидан согтуурах нь олширчээ. Тэдэнтэй Монголын хацар гоо охид ч зугаацаж яваа сураг дуулдах.

Бидэнд ирсэн мэдээллээр, мисс, загвар өмсөгч Д.Долгион орос найзуудтайгаа зун Тэрэлжид амарч, зугаалж яваад папарацид өртжээ.  Зун гэхээр зугтсан оросууд биш байлтай. Ямартаа ч оросуудтай холбоотой дуулиан шуугиан тасрахгүй нь дээ...

Д.Долгионы хувьд  “Miss Universe” тэмцээний анхны Монгол мисс болж, 2020 онд  “Гоёл-2020” наадмын отгон топ моделиор шалгарч байв.  Мөн түүнийг хамгийн сүүлд НИТХ-ын дарга Ж.Батбаясгалан Иргэний олон нийтийн зөвлөлийн гишүүнээрээ авсан гэх мэдээлэл цацагдсан. Товчхондоо, гэмт хэргээс урьдчилан сэргийлэх чиглэлд цагдаагийн байгууллагаас хийж буй үйл ажиллагаанд хяналт тавих, хамтарч ажиллах, иргэдийг соён гэгээрүүлэх зорилготой олон нийтийн зөвлөлийн гишүүн болсон гэсэн үг.