ХОВДЫН ДАРГА НАРЫН ЖОРЛОНГИЙН ХУЛГАЙ буюу УИХ-ын гишүүн Б. Пүрэвдорж, сайд С.Бямбацогт нар ингэтлээ доошоо ороо юу!?

Хулгай, хулгай, хулгай... Тэд 2008  оноос хойш хойш Ховд нутгийн ард түмнийг нутгийн тархийг угаажээ. Гэтэл одоо 2024 он. 16 жил өнгөрөв. Тэд гар хөлөөрөө дамжуулан одоо ноёрхлоо үргэжлүүлэхээр 2024 оны иргэдийн төлөөлөгчдийн хурлын сонгуулийг бусниулахаар улайрч байна.

Жишээ нь, Ховд хотын захирагч, аймгийн ИТХ-ын 3-р тойрог, Бичигт багт нэр дэвшигч Ц.Цогтбаяр болон МАН-аас Ховд аймгийн ИТХ-ын 5-р тойрог, Буянт багт нэр дэвшигч Т.Мягмардорж нар ховдчуудыг хуурч, мөнгө угаасан баримтыг танилцуулж байна.

Тэд нэг бүр нь 3,500,000 төгрөгийн үнэтэй гэх “ЭКО 00” гэх жорлонг Буянт голын эрэгт 7,714,286 төгрөг, Морь барианы газарт 8,083,000 төгрөг, Цэнгэлдэх хүрээлэнгийн ариун цэврийн байгууламж нэрээр 38,750,000 төгрөгөөр тус тус шахаж, иргэдийг хуурсан баримт ийм байна.

БИЧЛЭГ ҮЗЭХ:

Гэтэл Ховд аймагт байгуулсан бүтээн байгуулалт гэх ахадсан цолтой жорлонгоос хамаагүй дээр био жорлон  unegui.mn худалдааны сайтад “Эко био жорлон” нэрээр 2,900,000 төгрөгөөр худалдаалж байна.  https://www.unegui.mn/adv/6486203_bio-eko-zhorlon/  

Бидний сурвалжилснаар Буянт голын зуслангийн “Ногоон” жорлонг одоогоор соруулж цэвэрлэсэн тохиолдол үгүй аж. Харин эдгээр 00-ийг Ц.Цогтбаярын гарын хүн гэж нэрлэгддэг орон нутгийн өмчит “Шим ус” компанийн захирал Н.Ганбат хүлээж авсан байгаа юм.

МАН-ын гишүүн, ховдчуудад жорлон шахдаг “Талст чиглэл” компанийн захирал Т.Мягмардоржтой манай сурвалжлагчийг холбогдоход “Манай компани 3,500,000 төгрөгөөр зарсан. Цаашаа хэн, хэдээр зарсныг би мэдэхгүй. Би орон нутгийн сонгуульд нэр дэвшээд завгүй байна. Би Жаргалант сумынхан болон бусад хүмүүсийг надаас жорлон худалдаж ав гэж хэзээ ч гуйж байгаагүй. Тэд өөрсдөө ирж гуйгаад авдаг” гэх хариулт өгөв. Гэтэл Ховд аймагт үйл ажиллагаа явуулж буй өөр нэг компани жил төстэй жорлонг 1,900,000 төгрөгөөр үйлдвэрлэдэг болохоо мэдээлсэн юм.

Ховдчуудын татварын мөнгөөр “ЭКО 00” гэх нэртэй жорлон шахсан Ховд хотын Захирагч Ц.Цогтбаяр, “Талст чиглэл” компанийн захирал Т.Мягмардорж нар нь багийн найзууд болох УИХ-ын гишүүн Б.Пүрэвдорж, сайд С.Бямбацогт нарын нөлөөний хүмүүс гэдгийг Ховдод мэдэхгүй хүнгүй гээд хэлчихэд үнэнээс хол зөрөхгүй биз ээ. Үгээр ч тогтохгүй тендэрийн хулгайгаар дагнасан МАНАН бүлэглэл бий болсон баримтыг бид цувралаар хүргэх болно.