"Монгол тээвэр нэгдэл"-ийн төлөөлөл С.Ганболд:

"Монгол тээвэр нэгдэл" нь нүүрс тээвэрлэлтэнд эхэн үеэс ажиллаж, хамгийн олон жил тээврийн үйл ажиллагаа явуулж буй нэгдэл юм. Монголын үндэсний нүүрс тээврийн компаниуд үйл ажиллагаагаа цаашид үргэлжлүүлэхэд хүндрэлтэй нөхцөл байдал үүсээд байна. Сүүлийн 2,3 жил холбогдох яам, газруудаар явж хүсэлтээ өгөөд одоог хүртэл шийдэгдэхгүй байгаа нь харамсалтай. Тиймээс шийдвэр гаргах эрх бүхий дээд шатны удирдлагад бид асуудлаа хэлэхийг хүсч байна. 840 "С" бичгийг дөрвөн компанид 240-р нь өгч  2-3 хоногт тээвэрт гарч, бусад нь нэг сард хоёр удаа тээвэрлэлт хийж байна. Энэ нь ААН-үүд хуулийн өмнө тэгш эрхтэй байна гэсэн хуулийг зөрчиж байна.

Засгийн газраас хэрэгжүүлж байгаа 5Ш ажиллагаа бодит байдал дээр хэрэгжихгүй байна. Олон улс хоорондын нүүрс тээврийн зөвшөөрлийг нээлттэй олгож байгаа гэдэг ч үгүй.

Улирал тутамд зөвшөөрөл хүсч мэдүүлэг бөглөж байгаа машины тоо өсч байна. Өнгөрсөн улиралд 14 мянган машин байсан бол энэ улиралд 18 мянга болсон. Энэ олон тээврийн хэрэгслийн тооноос болж "Эрдэнэс Таван Толгой" компани Зам тээврийн тухай хуулийг хэрэгжүүлдэг компани биш учир асуудал гарч байна. Үүнийг Зам тээврийн хөгжлийн яам, Авто тээврийн үндэсний төв хариуцаж хэрэгжүүлэх ёстой. ЭТТ компани бол зүгээр уул уурхайн компани. Авто тээвэртэй ямар ч холбоогүй. Мэргэжлийн баг, хүмүүс нэг ч байдаггүй байж "С" зөвшөөрлийг хувь тэнцүүлж олгож байна. Мөн "С" зөвшөөрлийг шалгуураар олгохыг шаардаж буйгаа илэрхийллээ.