Амьдрал ахуйгаа дээшлүүлье гээд 30 гаруй насны Монгол залуу дөрвөн жилийн өмнө БНСУ-ыг зорьжээ. Түүнийг Монголоосоо ажиллахаар явахад тулгар биетэй эхнэр нь найдвар тээн үлдсэн. Хүүгээ ой гаруйхантай байхад Монголдоо буцаж ирээд, ажлаа үргэлжлүүлэн хийхээр БНСУ-ыг зорьсон.

Хүүгээ дөрвөн нас хүртэл өдөр бүр видео калл хийж, ярьдаг байж. Гэтэл өнгөрсөн оны зургаан сараас гэнэт холбоо тасарч ар гэр нь асууж сураглатал Солонгост гэртээ нас барж, 20 гаруй хоног болоод цогцос нь танигдахын аргагүй муудсан байдалтайгаар олдсон.

Солонгост Хүлэмжид сүүлийн 3 жил ажиллаад цалингаа зарим үед өгдөггүй, цалингаа авья гэхээр Солонгос эзэн нь зоддог байсныг гурван сар хамт Солонгост амьдарсан ээж нь ярив. Залуугийн амиа алдсан хэргийг БНСУ-ын хууль хяналтын байгууллагаас шалгаж байгаад саяхан хэрэгсэхгүй болж хаасанд ар гэр нь гомдож байгаа. Талийгаач залуугийн дөрвөн настай хүү одоо болтол ээжийнх нь мессенжерт дуудлага ирэхээр “аав залгаж байна, аавтай ярья” гэж бүлтгэнэдэг хэвээр гэв. Хүү минь дөрвөн настай хүүтэйгээ ч уулзаж чадахгүй өнгөрчихлөө хэмээн ээж нь харамсан харамсан ярина. Аргаа бараад 70 хүрч яваа ээж нь Солонгост очоод Монгол улсынхаа элчин сайдын яаманд хандахаар элчин сайд нь Солонгосын цагдааг дуудаад өгчихдөг. Ар гэрийнхэн нь тухайн хүлэмжийн захирлыг энэ хэрэгт хардаж байгаа.

Учир нь шүүх шинжилгээний дүгнэлтээр багалзуурдуулж хүзүүний яс нь хугарсан байх магадлалтай гэж гарсан талаар нагац дүү нь ярив. Залууг нас бараад 20 гаруй хоног алга болоход захирал нь яагаад гэрт нь хайж очоогүй вэ гэдэг нь ч сэжигтэй тул ар гэр нь БНСУ-д суугаа Монгол Улсын ЭСЯ, Монголын ГХЯ-ыг энэ хэрэгт анхаарлаа хандуулж, хэргийг сэргээж дахин БНСУ-ын цагдаагийн байгууллагад шалгуулж өгөхийг хүсч байгаа юм.

Ядарч, цөхрөхдөө Монголынхоо ЭСЯ-ыг бараадаж, найдлага тавьж хандахаар 70 хүрч яваа хөгшнийг харийн нутгийн цагдаа дуудаж өгдөг хүн чанаргүй Элчин сайд Солонгост суугаа Монголоор л дуусаасай п