У. Нинжмаа
У. Нинжмаа - Сэтгүүлч
2023-11-27 • 1м унших

Монголын зохиолчдын эвлэлээс зохион байгуулдаг “Болор цом-41” яруу найргийн наадмын шилдгүүд тодорлоо. Хоёрдугаар шатанд үлдсэн шилдэг 21 яруу найрагч өчигдөр буюу Улс тунхагласны баярын өдрөөр Соёлын өргөөний тайзнаас шүлгээ уншсан юм.Сүүлийн шатанд үлдсэн найрагчдаас МЗЭ-ийн гишүүн, Г.Сэр-Одын нэрэмжит шагналт, Сүхбаатар аймгийн Дарьганга сумын харьяат яруу найрагч С.Начин түрүүлж, тэргүүн цом өргөв.

Энэ жилийн наадмын тэргүүн шүлэгч С. Начин “Болор цом наадамд 12 жил оролцсон байна. Бичгийн шатанд хоёр удаа хасагдаж байсан. Энэ торгон агшинд гарыг минь ганзганд хөлийг минь дөрөөнд хүргэсэн эрхэм багш Пүрэвхүүгийн Батхуяг багшаа дурсмаар байна. Багшийн минь бие энд байхгүй ч билиг оюун нь мөнхөд үргэлжилнэ гэж хэлэхийг хүсэж байна, баярлалаа. Намайг 10 жил наадамд оролцоход аав минь үзэхээр ирж байгаагүй. Харин өнөөдөр ирсэн” хэмээн баярын сэтгэгдлээ хуваалцсан юм.

"Болор цом"-ын эзэн С.Начингийн уншсан "Уучлалын шүлэг"-ийг толилуулж байна.

 

“Уучлалын шүлэг”

 

Орчлонд өчнөөн од харваж болох байсан

Гэвч биднийг хооронд нь мөргөлдүүлсэн

Гэрэл заагч сар нь чи байсан

Онцгой учрал, энэ амьдралаас хүсэж таашаах бүхний

Эхний амьсгал нь яаж эхэлснийг чи хийгээд бид мэдээгүй

Эх хүн үрээн тэврэхдээ ямархан ариусалд умбадгийг

Эмэгтэй хүний сэтгэлийн байгальд зочилж мэдрэх сэн

Цайнаас савсах уур өрөөн дэх агаарыг хөгжимдөнө

Цэх завилаад нүдээ аниваас

Цохолж ирэх үйлийн үр боловсорч дуусаад

Царам хэцэд амь эцэслэх гэж буй

Эцсийн амьсгалаа татраахаасаа өмнө

Эх болсон тэнгэрээ бүртгэн ширтээд

Газар шороондоо шингэх гэж буй бүргэдийн

Ганцхан ахиад дэвж үзэх сэн гэх сүүлчийн хүсэл ч юм билүү

Бидэнд мэдэгдэхгүй өчнөөн өнгийн хувирал

Бидэнд мэдэгдэхгүй өчнөөн тоосонцрын гялаан

Бид хүртэж болох ч амсаж боломгүй аз жаргал

Бид амталж болох ч хүртэж боломгүй уй гуниг гээд

Ээ дээ энэ амьдралаас авч болох бүхэн яасан их байна вэ?

Эмэгтэй хүн, ээж хүн, эгч хүн, эхнэр хүн гэдэг

Эр хүний сэтгэлийн овоон дээр л сэмэрч байдаг хадаг ч юм билүү

Чи жишээ нь яаж уйтгарладгийг

Чимээгүй нулимс унагахдаа

Ямар чимээ хацрыг чинь зүссээр

Зүрхэнд чинь шингэдгийг

Яруу найраг шиг ойлгох нэгэн гэдэгт би итгэдэг

Зам татуулан урсах тэр нулимс

Заримдаа бидний сэтгэлийн горхитой нийлэхээрээ

Зах хязгааргүйг сэтгэх хөлгийн далбаа ч болдог юм билүү

Залуу явах гэдэг эргээд тэртээ холоос

Тэмүүлж наддаа буцан ирээч гэж гар даллахад

Тэрүүхэнд гэрэлтэх үед нь чи инээгээд одсон шүү дээ гэж

Тохуурхан мушилзах доогтой хөгжөөн болж ч магадгүй гэхээс

Тодорхойлж таамаглашгүй тэр л цаг хугацааг

Тогтоож энэ л үедээ бид барьж авч чадахгүйг бодохоор

Өрөвдмөөр өр зүрх хөндүүрлэн урагдмаар мэдрэмж төрүүлж байгаа биз

Өвдөг нугарна, гэвч бохирч сөгдсөн мэдрэмжээ цагаатгах гэж бид босно

Өчнөөн сар жилүүдэд чи миний сэтгэлийн дотор амьдарч

Өрцөн цаанаа би түлээчин мэт бодлын чинь ойд унасан гишүүдийг түүж алхана

Гал зээглэн тулгандаа тогоогоо тавьж

Гараа ээх хүүхдүүдийнхээ инээдийг сонсож

Гарчиглаж суух сонинуудаа үдэж, ач зээдээ хэрэгтэй мэдээллийг нь хайчилж

Гарынхаа салаагаар урсан одох цаг хугацааны урсгалыг сэлүүрдэнэ

Амьдрал баялаг гэж чи хэлдэг

Чинийхээ санааны цэцэрлэгт үр цацаж

Цацсан үрээ би өдөр бүр услагч цэцэрлэгч өвгөн байхыг хүснэ

Цамцаа өмсөөч дээ даарчихлаа шүү дээ гээд чиний ирэх хөлийн чимээнд

Цаг хугацаа дөрвөн улиралтайгаа чамайг хөтөлсөөр надад ирнэ

Ахиад бид амьдрахгүйгээс хойш авсанд дотроо ч хамт нойрсохоор одох юм шүү

Хайртай гэж хэлэх амархан, хайрлах хэцүү

Хайрлах л хэцүү, хэлж болдоггүй хайрын үгс гэж хүртэл бий

Үгэнд заримдаа итгэх хэцүү

Үйлдэл заримдаа үгнээс ч чухал

Сум мэт үгс цээжийг чинь шархдуулавч

Суниагаад босох чинь хөгжим мэт яруу

Бягтрууланд венийн вальс эгшиглэж

Баяр бүхнийг чиний гараар бүтээгдсэн идээгээр дүүргэхсэн

Эрвээхэй суусан цэцэг нисэхэд нь дохигноод үлдэх шиг

Эмзэг турьхан хурууд чинь хувцсаа сэгсрэхийг

Ээмгээ тайлж, үснийхээ боолтыг мулталж

Үдэш оройн энгэсгийг үргээж

Үүр цүүрийн гүнд цээжинд минь шүлэг зурахыг

Худал унтсан мэт дүр эсгээд, аньсан нүдэндээ чинийхээ үйлдлийг өхөөрдөж

Хувь төөргийнхөө хүрдийг эргэцүүлж нойрсохсон

Зүүдэндээ ч үнсэхээс цэрвэж, жигд амьсгалах амьсгааг чинь

Тагтаар сийгэх салхинаас харамлаж

Таны зүрхний цохилтыг дэрэндээ шингээж

Зуун зуунд үлдэх мөр бадгуудыг ноотлох дэвтрийнхээ хуудсыг сөхөнгөө

Талхаа зүсэж, аягаа угааж, тоосоо арчиж

Хөшгөө ярахад өрөө нэвтлэх цэл залуухан нарны тусгалд

Хайрт минь эдгээр гэрлийг хардаа гэж хүүхэд шиг догдлохсон

Уяан дээр эрвэлзэж дэрвэлзээд

Онгодын минь хүлэг сүсэгтний дүрээр үүрсэнэ

Одоохон явчхаад ирье хайрт минь

Орчлонгийн оргүй хоосонд ч бид хүрэлцэхгүй алс байлаа ч

Уйтгар гунигаа баяр ерөөл болтол амьдрах хувь төөрөгтэй билээ бидэн

Учиртайхан харцаар нэг л шагнаач намайг

Уянга дуу, эгшиг найргийн чинь охь, бүх насны тань эзэн явъя гэх

Ухаан санааны минь гүнээс тэнгэр өөд цоролзон өндийх моддын сүүдэрт хамт хэвтээч

Цас бударсаар, бударсаар, бударсаар

Цайдам хөндийг хучина

Царай зүс тань толигор өнгөлөг гэрэлтэй

Зулайдаа сансар огторгуйг эрхлүүлж

Зулзаган шинэсний залуухан мөчир мэт гунхах чиний

Зураг дүр чинь цээжин гүний минь гуунд завилаатай

Өргөх ёстой дээж минь гэвэл чи

Өгсөж дээш мацах оргил минь чи

Өдөр бүрд залбирах залбирал минь чи

Өргөө гэрийн минь унь багана нь чи

Өргөж асарсан бүхнээ энэрэгч нь чи

Өршөөж соёрхох нигүүлсэнгүй сэтгэлтэн минь ч чи

Өр зүрхний хаалгыг минь нээгч нь ч чи

Бодоогүй бүхэн энэ амьдралд ирдэг

Болзож уулзсан хувь төөрөг минь

Бурхны алдаагүй зурсан зураг гэдэгт би итгэдэг

Ирээдүй биднийг гэрэлт харгуйд урин дуудна

Инээмсэглээд ахин нэг алхахад

Ирмэг цолгиухан цэл залуухан насууд минь даанч гоёхон санагдана

Алдсан байж болно бид

Алдрайхан нас шүү дээ

Уучлал гэдэг хэзээд оройтдоггүй санагдана

Ухаан санаанд минь уужимхан голын шанд бургилна

Тэр голын эхэнд тэргүүндээ гараа духдуулаад

Тэнгэрийн хаяаг саравчлан зогсох

Тэнгэрлэг ариун үзэсгэлэнт минь

Ухааны тань уулын бүсэлхийг нар зөв ороож гуйя!

Болгоогооч амь амьдралыг минь

Бүгд найрамдах улсаа тунхаглаж үндсэн хуулиа баталсны 99-н жилийн ойд зориулав

Үеийн үед итгэнэ эх орон минь

Үүрийн гэгээнд цэцэг дохигнох

Үндсийн гүнийг нь чагнаархаж

Чөдрийн морь шүүдэрт жиндэн зүүрмэглэх

Чив чимээгүй уулс нь далайн ёроол байснаа бодож дүнхийх

Өргөл мөргөлийн өндөр дээд эх орон минь

Өргөн дэлхийд өөрийн сүнсийг эрэн орь ганцаар бэдэрч явахад

Өгүүлэх шүлгийн байц гишүүн шиг

Алс алсын толгодыг нь ширтэхэд

Өндөр тэнгэрээс хэв хадаг унжуулсан мэт

Анир чимээгүйгээр үүлс нь газрын хэвгийд шингэдэг эх орон минь

Манант тэнгэртэй хаяа хатгасан түүхийн их уснаас амталахуй

Наранд цогшсон гандирсын балгад нь

Саранд сэрийсэн нууцлаг ертөнцөө бүүвэйлсэн

Санааны огторгуйд ээл дулаан илчээ түгээхдээ

Намрын хонгор зэрэглээндээ унага эрхлүүлж наадсан эх орон минь

Хур тээсэн хээлтэй үүл шиг

Ертөнц эхийн хэвлийн хүйсэнд бүрэлдэхдээ

Ер бусын үй түмэн загас жараахайг

Сая живаан тэртээд салмайтал суяралдуулан сэлүүлж

Сансар огторгуйн нууцыг гүндээ оньсолсон эх орон минь

Хөвөн дээгүүр алхаж байгаа юм шиг тогорууд нь ирэхэд

Зөрж одсон учирлын сэжүүрт гадас тойрон гунганах ботгоны

Зөөлөн зөөлөн бөмбөрөх нулимсыг салхиараа арчихдаа

Бударгана үүрч алхах бөгтөр эмгэний сэтгэлийг үймцүүлж

Бүүр эртийн эртэд эврээ буганд итгээд явуулсан гэнэн тэмээний нулимс эх орон минь

Нараа үзсэн ой хөвчийн цоорхойд нярайлах гэрэл шиг

Саранд сэрийсэн нууцлаг ертөнц нь

Наранд цогшсон гандирсаа бүүвэйлсэн

Санааны огторгуйд ээл дулаан илчээ түгээхдээ

Намрын хонгор зэрэглээнд эрхэлж хоцорсон унагыг эхийнх нь сааманд унтуулсан эх орон минь

Үзэсгэлэнт бүсгүйн энгэрийн алчуур хийсэх шиг эмзэгхэн шүү та

Үхэхэд минь газар шороондоо тэвэрч нойрсох ертөнц минь чи

Мөнхөд таныг хайрлана гэж би худлаа хэлж чадахгүй

Мөнхийн мөнхөд чамайг хайрлах бүхэн тасралтгүй төрнө гэдэгт харин

 

Үеийн үед итгэнэ ээ эх орон минь

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Нийт сэтгэгдэл (0)
Шууд
Гурван хүүгийн аавд туслах ХАНДИВЫН АЯНД нэгдэхийг уриалж байна
14 цагийн өмнө • 1м унших
Мэдээлэл
"Ногоон автобус"-ны гэх хэрэгт нийт 24 хүнийг яллагдагчаар татжээ
2024-02-22 • 1м унших
Мэдээлэл
Г.ЗАНДАНШАТАР: НИЙСЛЭЛД 121 ГАЗАР ӨМЧИЛСӨН МЭДЭЭЛЭЛ ИРСЭН
2024-02-22 • 1м унших
Мэдээлэл
“НҮҮРСНИЙ” ХЭРЭГТ ХОЛБОГДСОН 66 ХҮНИЙ ХЭРГИЙГ ШҮҮХЭЭР ШИЙДВЭРЛҮҮЛЭЭД БАЙНА
2024-02-22 • 1м унших
Мэдээлэл
МАРГААШ НИТХ ХУРАЛДАЖ 2024 ОНЫ ТӨСВИЙН ТОДОТГОЛЫГ ХЭЛЭЛЦЭНЭ
2024-02-22 • 1м унших
Мэдээлэл
Улсын их дэлгүүр хувьцаа эзэмшигч нартаа ногдол ашиг өгөхгүй
2024-02-22 • 1м унших
Мэдээлэл
ӨВӨРХАНГАЙ АЙМГИЙН ХУЖИРТ-АРВАЙХЭЭР ЧИГЛЭЛИЙН ЗАМЫГ СОНГОЖ ХӨДӨЛГӨӨНД ОРОЛЦОХГҮЙ БАЙХЫГ АНХААРУУЛЖ БАЙНА
2024-02-22 • 1м унших
Мэдээлэл
МАЛЧДАД ШААРДЛАГАТАЙ ӨВС ТЭЖЭЭЛ, ТУСЛАМЖИЙН БАРАА ХҮРГЭХЭЭР ХИЛЧИД ҮҮРЭГ ГҮЙЦЭТГЭЖ БАЙНА
2024-02-22 • 1м унших
Мэдээлэл
Сураггүй алга болсон 14 настай хүүг олж, ар гэрт нь хүлээлгэн өгчээ
2024-02-22 • 1м унших
Мэдээлэл
Халиа тошин үүссэн зургаан байршилд мөс зөөх ажил үргэлжилж байна
2024-02-22 • 1м унших
Ярилцлага
О.Номинчимэг: 18-аас доош насны хүүхдэд электрон тамхи борлуулбал үйлчилгээ эрхлэх бүртгэлийг хасах хүртэл арга хэмжээ авна
2024-02-22 • 1м унших
Мэдээлэл
СУМДАД ӨВС ТЭЖЭЭЛ ХҮРГЭХ, ЗАМ ГАРГАХ АЖИЛ ҮРГЭЛЖИЛЖ БАЙНА
2024-02-22 • 1м унших
Мэдээлэл
Нийт 26 мянган тонн өвс тэжээлийг шууд хүргэхээр ажиллаж буй бөгөөд ирэх саруудад 10 мянган тонн тэжээл хүргэнэ
2024-02-22 • 1м унших
Мэдээлэл
"SOCIAL IMPACT-2024" ҮЗЭСГЭЛЭН, ХЭЛЭЛЦҮҮЛЭГ БОЛЛОО
2024-02-21 • 1м унших
Мэдээлэл
Бичлэгт гарсан ажилчдыг ажлаас чөлөөлөхөөр болжээ
2024-02-20 • 1м унших
Шууд
Ш.Адьшаа: Хөшөөтийн уурхайгаас экспортод гаргасан нүүрсний тоон мэдээллийн үнэнийг ХЗДХ-ийн сайд Б.Энхбаяр нуусан
2024-02-08 • 1м унших
Мэдээлэл
2023 ОНД 3606 ХҮҮХЭД ГЭМТ ХЭРГИЙН ХОХИРОГЧ БОЛЖЭЭ
2024-02-08 • 1м унших
Мэдээлэл
ШҮҮХИЙН ШИЙДВЭР ГҮЙЦЭТГЭХ БАЙГУУЛЛАГА АХЛАГЧ БҮРЭЛДЭХҮҮНИЙ ДЭД ЧУУЛГАНАА ЗОХИОН БАЙГУУЛЖ БАЙНА
2024-02-08 • 1м унших
Мэдээлэл
ХУУЛИЙН ӨӨРЧЛӨЛТ: ШҮҮХИЙН ШИЙДВЭРГҮЙГЭЭР ЯМАРЧ БАРИВЧИЛГАА, ХОЙШЛУУЛШГҮЙ АЖИЛЛАГАА БАЙХ ЁСГҮЙ
2024-02-08 • 1м унших
Мэдээлэл
Өнөөдөр сар шинийн үзэсгэлэн худалдаа болно
2024-02-03 • 1м унших
Мэдээлэл
Аравдугаар Банчин ламын бүтээлүүдийн түүвэр Монголд анх удаа хэвлэгдлээ
2024-02-02 • 1м унших
Мэдээлэл
ШҮҮХИЙН ШИЙДВЭР ГҮЙЦЭТГЭХ БАЙГУУЛЛАГЫН УДИРДАХ АЖИЛТНЫ НЭГДСЭН СУРГАЛТ, ЗӨВЛӨГӨӨН ЭХЭЛЛЭЭ
2024-01-15 • 1м унших
Мэдээлэл
Бяцхан охинд тусалж хандивын аянд нэгдээрэй
2024-01-15 • 1м унших
Мэдээлэл
УИХ-ын гишүүн Ш.Адьшаа "МоЭнКо" ХХК-ийг С.Бямбацогт сайдтай нэгдмэл ашиг сонирхолтой гэв
2023-12-29 • 1м унших
Мэдээлэл
Улсын дээд шүүхийн албан хаагчдад шагнал гардууллаа
2023-12-29 • 1м унших
Мэдээлэл
Чингэлтэй дүүрэг БНСУ-ын Инчон хоттой хамтын ажиллагааны санамж бичиг байгууллаа
2023-12-28 • 1м унших
Мэдээлэл
Чингэлтэй дүүргийн 2023 оны “ХӨДӨЛМӨРИЙН АВАРГА”-ууд тодорлоо
2023-12-28 • 1м унших
Мэдээлэл
Дуучин Д.Отгонжаргал Монгол Улсын гавьяат жүжигчин боллоо
2023-12-28 • 1м унших
Мэдээлэл
С.Бямбацогт сайдын "нүүрсний хулгайн" хэргийг Б.Энхбаяр сайд нуун дарагдуулсан уу?
2023-12-28 • 1м унших
Мэдээлэл
ШШГБ-ын ахмад ажилтан, бэлтгэл хурандаа П.Бадамдорж “Монгол Улсын гавъяат хуульч“ цол хүртлээ
2023-12-28 • 1м унших
Бүгдийг үзэх
Мэдээлэл
Г.Ундармаа сонгуульд нэр дэвшихээр, багаа бүрдүүлж эхэлсэн үү?
2022-11-18 • 1м унших
Мэдээлэл
Г.Тэмүүлэн: Орон сууцны урьдчилгаа төлбөрийг даатгалын баталгаагаар шийдвэрлэх боломжтой болно
2022-11-18 • 1м унших
Мэдээлэл
С.Янжинсүрэн: Ковидыг барьж, барьж алдах үед өрөөндөө ороод, хаалгаа түгжээд уйлж байсан
2022-10-03 • 1м унших
Мэдээлэл
Монголчууд аюулт өвчин биш архины өмнө хүчин мөхөстөж байна
2022-11-21 • 1м унших
Мэдээлэл
“Шинэ сэргэлтийн бодлого”-ын төслүүдэд 39 мянган инженер, техникийн ажилтан шаардлагатай байгаа гэв
2022-11-26 • 1м унших
Контент
Ахмад геологич: Дайны үлдэгдэл дээр боссон геологийн салбар Монголын хөгжилд түүхэн гавьяатай
2022-07-26 • 1м унших
Сэдвийн мөрөөр
СЭДВИЙН МӨРӨӨР: "УБТЗ" ХНН-д бугшсан авлигын сүлжээ
2023-01-18 • 1м унших
Мэдээлэл
Өнөөдөр “Эрдэнэс Тавантолгой” ХК-ийн ногдол ашиг тараахыг шаардаж мэдээлэл хийнэ
2023-10-05 • 1м унших
Мэдээлэл
YELLOW NEWS: Э.Бат-Үүл МАН-д "доль үсрэв"
1 Жилийн өмнө • 1м унших
Шууд
ШШГЕГ: Н.Өнөрцэцэг Хөгжлийн банкны хэрэгт холбогдсон нэг ч хоригдогчтой таараагүй, уулзуулаагүй
2023-12-15 • 1м унших
Шууд
Ц.ДОРЖХАНД: 5.2 сая тонн нүүрс алга болсон буюу 2.5 их наяд төгрөгрийн хулгайн асуудал ил гарч ирж байна
2023-12-18 • 1м унших
Шууд
Ж.ГАНБААТАР: Шатахуун хангалттай байгаа. Иргэд оочир, түгжрэл үүсгэхгүй бол хэвийн болчихоно
2023-12-18 • 1м унших
Мэдээлэл
Өөртэй итгэлтэй хүн: “Уучлаарай, би уудаггүй”
1 Жилийн өмнө • 1м унших
Мэдээлэл
Б.АЗЖАРГАЛ: БИ ӨӨРИЙНХӨӨ ХӨРӨНГӨӨР ӨӨРТӨӨ ТОХИРСОН БАЙШИН БАРЬСАН
2023-03-30 • 1м унших
Мэдээлэл
С.Бямбацогт сайдын "нүүрсний хулгайн" хэргийг Б.Энхбаяр сайд нуун дарагдуулсан уу?
2023-12-28 • 1м унших
Мэдээлэл
Зуун граммын “бугшсан” хандлагаас залуус татгалзана
2022-11-25 • 1м унших
Мэдээлэл
УИХ-ын гишүүн Ш.Адьшаа "МоЭнКо" ХХК-ийг С.Бямбацогт сайдтай нэгдмэл ашиг сонирхолтой гэв
2023-12-29 • 1м унших
Мэдээлэл
Дуучин Д.Отгонжаргал Монгол Улсын гавьяат жүжигчин боллоо
2023-12-28 • 1м унших
Мэдээлэл
ШШГБ-ын ахмад ажилтан, бэлтгэл хурандаа П.Бадамдорж “Монгол Улсын гавъяат хуульч“ цол хүртлээ
2023-12-28 • 1м унших
Мэдээлэл
Чингэлтэй дүүргийн 2023 оны “ХӨДӨЛМӨРИЙН АВАРГА”-ууд тодорлоо
2023-12-28 • 1м унших
Бүгдийг үзэх