Эх орны тусгаар тогтнол, халдашгүй байдлын баталгаа болсон дархан хилээ хамгаалан, өргөсөн тангарагтаа үнэнчээр зүтгэж, амь биеэ үл хайрлан үүрэг гүйцэтгэх цэрэг эрс, хилчдийн амьдралыг элдэв уран сайхны хэтрүүлэггүй, бодитоор нь харуулах зорилго бүхий “Атга чулуу, сөөм газар” төсөл хоёр дахь жилдээ амжилттай хэрэгжлээ.
Тус төслийг “Check медиа” агентлаг, Хил хамгаалах ерөнхий газартай хамтран хэрэгжүүлж байгаа бөгөөд эх орны баруун хилийн хязгаар Баян-Өлгий, зүүн хязгаар Дорнод аймаг дахь Хилийн цэргийн ангиас найман цуврал дугаарыг бэлтгэн ТВ5, ТВ8 телевиз, VOO видео сан, www.check.mn сайтаар дамжуулан, үзэгчдэд хүргэсэн.
"Атга чулуу, сөөм газар" нэвтрүүлэг нь цахим мэдээллийн сайтын анхдагч реалити бүтээл юм.
Энэ удаад хойд хязгаар Хөвсгөл, урд хязгаар Өмнөговь аймгийн Хилийн заставаас мөн л найман дугаар реалити нэвтрүүлгийг бэлтгэсэн бөгөөд үзэгчдэд хүргэхэд бэлэн болоод байна.
Нэвтрүүлэг 2023.03.10-ны өдрөөс эхлэн өдөр бүр 22:00 цагаас Малчин телевизээр үзэгчдэд хүрэх бөгөөд VOO видео санд байршиж байгаа билээ.
ЭНД дарж бидэнтэй нэгдэнэ үү. Баярлалаа.