Төв аймгийн Эрдэнэ сумын нутагт байх Естийн халуун рашаан руу хоёр хоногийн өмнө 10 хүн аялахаар явсан байна. Аялагчид зорьсон газраа хоноглохоор болж автомашиндаа тав нь, өөр тав нь майхандаа хоносон байна.
Харамсалтай нь майханд хоносон таван хүн угаартах замаар газар дээрээ нас баржээ. Энэ талаарх дуудлага мэдээлэл өчигдөр 14 цагийн орчим тус аймгийн Цагдаагийн газарт иржээ. Ингээд аймгийн Цагдаагийн байгууллагын алба хаагчид, Улаанбаатаар хотоос эмнэлгийн байгууллагын ажилтнууд, ар гэрийнхэн Улаанбаатар хотоос Зэвсэгт хүчний Жанжин штабын МИ171Е загварын нисдэг тэрэгтэй 16:05 цагт Естийн халуун рашаан-ы чиглэлд хөөрч зорчин явсан 13 хүнийг нийслэлд авчирсан байна.
Тэд газан хийн халаагуур ашиглаж байсан бөгөөд осол болдог өдөр хий алдагдсан байж болзошгүй гэсэн албан бус мэдээлэл байгаа.
Харин Цагдаагийн байгууллагаас шалтгаан нөхцлийг тогтоохоор ажиллаж байна.
