Баянзүрх дүүргийн нэгдсэн эмнэлэгээс гарсан халдварын тоо өнөөдөр гучин нэгээр нэмэгдэж нийт халдварын тохиолдол 62 боллоо. Халдвар авсан хүмүүсийн зургаа нь сахиур, 12 нь эмнэлэгийн эмч ажилчид бусад нь хэвтэн эмлүүлж байсан өвчтөн байсан гэдгийг ХӨСҮТ-ээс мэдээллээ.
Харин тус голомтоос батлагдсан нийт тохиолдлын найм нь БЗД-ийн нэгдсэн эмнэлэгт хэвтэн эмчлүүлж байгаад гарсан иргэд гэлээ. Эдгээр хүмүүсийн хувьд гадуур гарч олон нийтийн газраар хараахан гараагүй гэрээрээ байх хугацаанд нь шинжилгээ авч халдварыг илрүүлсэн байна.
Мөн БЗД-ийн нэгдсэн эмнэлэгийн голомтоос халдвар авсан хүмүүс нийслэлийн зургаан дүүрэгт оршин суудаг болох тогтоогдсон. Тиймээс иргэдийг халдвар хамгааллын дэглэмээ чанд сахихыг холбогдох албанаас анхаарууллаа.
