Баянзүрх дүүрэгт коронавирусийн нөхцөл байдал хүндэрч, өнөөдрийн /2020.12.21/ байдлаар 32 хүнээс халдвар илэрч, тус дүүрэгт нийт 62 тохиолдол бүртгэгдлээ. Ойрын болон дам хавьтлыг олж тогтоох, шинжилгээнд хамруулах ажил үргэлжилж байна.
Дүүргийн онцгой комиссоос тэг зогсолт хийж тархалтыг хумих санал яригдаж байсан ч НОК-оос тэг зогсолт хийх асуудал яригдаагүй гэсэн албан ёсны хариу өгснөөр намжсан.
БЗД-т коронавирусний халдварын тархалт буурахгүй байгаа учир тус дүүргийн 90 мянган айл өрхөөс нэг хүнийг шинжилгээнд хамруулах ажлыг хийж байна.
Тэгвэл энэхүү нөхцөл байдалтай холбогдуулан яг одоо УОК хуралдаж байна. Үргэлжлүүлээд 15.00 цагт Засгийн газар ээлжит бусаар хуралдаж, шийдвэр гаргахаар болжээ.
Засгийн газраас гаргасан шийдвэрийн талаар эргэн мэдээллэх болно.
