Өнөөдрийн Эрүүл мэндийн яамны ээлжит хэвлэлийн хурлын үеэр Шуурхай штабын дарга Б.Ууганбаяр мэдээлэл хийлээ.
Өнөөдрийн байдлаар улсын хэмжээнд тусгаарлан ажиглах байр 35 байгаа. Харин Улаанбаатар хотод байгаа 17 тусгаарлах байранд 1169 иргэн байгаа гэлээ.
Түүнчлэн гэрийн ажиглалтанд 228 иргэн, гэрийн ажиглалт дууссан 10148 байгаа.
Мөн өнөөдрөөс Франкуртаас иргэдээ татан авах ажлыг эхлүүлж байна Бэлтгэл ажлыг холбогдох ажлын хэсэг хангасан. Энэ чиглэлээс иргэдээ татаж авах дөрвөн удаагийн нислэг үйлдэхээр болсон гэдгийг тэрээр мэдэгдлээ.
Тус чиглэлээс 700 гаруй иргэн эх орондоо ирэх юм байна. Нислэгийн хуваарийг нь гаргаж, баталсан бөгөөд иргэд тусгаарлалтад 14 хоног байхаар тооцсон гэлээ.
Мөн зэрэг бууруулаа гээд хариуцлага сулрах асуудал байхгүй. Хөл хорионы зэрэглэл буурсан гээд амны хаалтаа авч хаяад, олон нийтийн газар бөөгнөрөөд байж болохгүй. Тайвшрах цаг хараахан болоогүй иргэд болон бүх шатны АНН байгууллагууд хариуцлагатай ажиллах хэрэгтэй гэдгийг тэрээр анхаарууллаа.
