Иргэн “О” нь хүүхэд байхаасаа астмтай болж гуравдугаар нэгдсэн эмнэлэгийн уушигны тасгийн хяналтанд байдаг. Одоогоор түүний биеийн байдал тогтвортой байгаа учраас гэрээрээ эмчилгээ хийлгэж байгаа гэлээ.
Харин арванхоёрдугаар сарын 5-ны шөнийн 1:30 минутад түүний астм хөдөлж харшлын эсрэг тариа хийлгэхээр 103 дугаарт дуудлага өгчээ. Тухайн үед шөнийн ээлжинд гарч байсан эмч иргэн “О” д харшлын тариа биш, мэдээ алдуулах зорилгоор булчинд хийдэг тариаг сольж хийжээ. Үүний улмаас бүсгүйн тархи болон зүрхэнд хүчтэй нөлөө үзүүлж ухаан алдсан байна.
Алдаа гаргасан эмч дахин хоёр эмчийг дуудаж иргэн “О”-г эмнэлэгт хүргэлгүй үүрийн 5 цаг хүртэл түүний гэрт байж арга хэмжээ авчээ.
Ажлын хариуцлага алдсан эмчээс болж тэрээр яаралтай зүрх болон тархины оношилгоо шинжилгээнд орох шаардлагатай болжээ. Эдгээр шинжилгээ нь багагүй үнэтэй. Мөн буруу тариа хийсэн өдрөөс хойш түүний оюун санаа үе үе манарсан байдалд орж хэвийн бус болсныг иргэн “О” хэллээ.
