Тэгвэл энэ жилийн "Чингис хаан"-ы одонгоор хэнийг шагнах бол гэсэн битүүхэн таамаг олон нийтийн дунд өрнөж эхэллээ. Зарим эх сурвалж УИХ-ын гишүүн асан, МУ-ын гавьяат жүжигчин С.Жавхлангийн санаачлан, амжилттай хэрэгжүүлсэн “Хамаг Монгол” төсөлд энэ жил "Чингис хаан" одонг гардуулах тухай ярьж буй юм.
Энэ нь ч бас байж болох хувилбар гэдэгтэй олон нийт санаа нийлж байгаа бололтой. Учир нь “Хамаг Монгол” төслийн хүрээнд нэг жилийн хугацаанд дэлхийд тархсан Монгол ахан дүүсээ дуу хуураар нэгтгэж, ОХУ-ын Тува, Буриад, Халимаг орнуудад нийт есөн удаагийн тоглолтыг амжилттай зохион байгуулсан юм. Түүнчлэн Их эзэн Чингис хааны талбайд 250 гаруй монгол үндэстэн оролцсон монгол үндэсний дуу бүжиг, соёлын гайхамшигийг үзэгчдээ өргөн барьсан нь түүхэн үйл явдал болж байв.
Өнгөрсөн жилийн хувьд дэлхийг байлдан дагуулсан "The Hu" хамтлагт тус одонг гардуулж байсан. Тэгвэл энэ жилийн хувьд дэлхийгээр тархан суурьшсан монголчуудаа нэгтгэсэн "Хамаг Монгол" төсөлд "Чингис хаан" одонг гардуулах гэж байгаа нь яах аргагүй нүдээ олсон шагнал болж байна.
