Үүнээс гадна цахимаар залилах гэмт хэрэг газар авч эхлээд байгаа гэх мэдээллээр БГД-ийн Цагдаагийн газрын мөрдөн байцаах тасгийн мөрдөгч, цагдаагийн ахмад Ж.Буянжаргалаас тодрууллаа.
Ж.БУЯНЖАРГАЛ: Манай улсад сүүлийн хоёр жилийн хугацаанд нийт 10000 гаруй залилах гэмт хэрэг бүртгэгдсэн. Үүнд бусдын эд хөрөнгийг эсвэл түүний өмчлөх эрхийг итгэл олох замаар залиллах нь их байдаг. Гэвч сүүлийн үед иргэдийг цахимаар залилах хэрэг олширч байна.
Үүнд: Охид бүсгүйчүүд онлайн дэлгүүрээс эд бараа худалдаж авахын тулд урьдчилгаа мөнгөө өгөөд залилуулдаг. Мөн олон дагагчтай хуудсыг өндөр үнээр авч дараа нь тухайн хуудсаа хакердуулдаг. Үүнээс гадна фэйсбүүкийн олон төрлийн группуудийн зар мэдээллээ ямар нэгэн байдлаар арилжаа хийж, их хэмжээний мөнгөн хөрөнгөөр хохирох тохиолдол их гарч байна. Саяханы жишээ татвал, Солонгост сурдаг Монгол оюутан охин “А” нь сургалтын төлбөрийг хийх зорилгоор “Солонгос дахь монголчуудын нэгдсэн зар” группээс “Вон солино” гэсэн зарын дагуу үл таних эмэгтэйтэй холбогдон түүний данс руу долоон сая гаруй төгрөг шилжүүлжээ. Дараагаар нь өөрийн солонгос данс руу воноо шилжүүлэн авах гээд эргэн холбогдох гэтэл үл таних эмэгтэй нь цахим хуудсаа хааж, ор сураггүй арга болсон. Иймээс иргэдийг цахим залилангийн гэмт хэргээс урьдчилан сэргийлэхийг анхааруулж байна.
