Вакцины эхний тунг Ерөнхий сайд Л.Оюун-Эрдэнэ 11:40 цагт хийлгэнэ

Өчигдөр /2021.02.22/ өглөө БНЭУ-ын Засгийн газраас дэмжлэг үзүүлэх зорилгоор олгосон 150 мянган тун AstraZeneca вакцин, орой БНХАУ-аас буцалтгүй тусламжаар илгээсэн 300 мянган тун "Синофарм" вакциныг эх орондоо хүлээн авлаа.

Тэгвэл вакцины хамгийн эхний тунг Ерөнхий сайд Л.Оюун-Эрдэнэ хийлгэхээ мэдэгдсэн. Тэрээр өнөөдөр /2021.02.23/ 11:40 буюу морь цагт Улсын Хоёрдугаар төв эмнэлэгт вакцины анхны тунг хийлгэж, иргэдээ уриалах юм. Харин түүний дараа эрүүл мэндийн сайд С.Энхболд мөн вакцин тариулж иргэдээ уриална. Манай улсын хувьд эхний ээлжийн вакцинжуулалтад эрүүл мэндийн салбарын эмч, ажилтнууд, цар тахлын үед газар дээр нь ажиллаж буй цагдаа, мэргэжлийн хяналт зэрэг албан хаагчид хийлгэнэ.