Өмнөговь аймгийн Гурвантэс сумын Бага-Овоо багийн “Морин заг” гэдэг газар БНХАУ-аас Монгол Улсын чиглэлд “Дээжийн Цэхэ” ХХК-ийн эзэмшлийн иргэн С-ийн жолоодож явсан “Норд Бенз” загварын том оврын ачааны автомашины бүхээгийн хэсэг шатсан байна гэсэн дуудлага арваннэгдүгээр сарын 30-ны өдрийн өдрийн 20:50 цагт хүлээн авсан. Тус аймгийн Онцгой байдлын газрын Гурвантэс сум дахь Гал түймэр унтраах, аврах 67 дугаар ангийн алба хаагчид очиж, үзлэг шалгалтыг хийж ажилласан байна.
Харин тус аймгийн Цогтцэций сумын “Цэций-Уул” гэдэг газар “Таван толгой” ХХК-иас “Цагаан хад” хилийн боомтын чиглэлд “Хийморь шанх” ХК-ийн эзэмшлийн иргэн Г-ийн жолоодож явсан “Норд Бенз” загварын том оврын ачааны автомашины дугуй шатсан гэх дуудлага мэдээллийг мөн өдрийн 22:40 цагт хүлээн авсан. Дуудлагаар аймгийн Онцгой байдлын газрын Цогтцэций сум дахь Гал түймэр унтраах, аврах 44 дүгээр ангийн алба хаагчид очиж, үзлэг шалгалтыг хийж ажилласан тухай ОБЕГ-аас мэдээлж байна.
С.Нарантуул
