Өнөөдрөөс эхлэн 119.мн сайтад бүртгэл үүсгэж, шинжилгээ өгч хариугаа авсан иргэдийг хотоос гаргаж эхэллээ.
Мөн Улсын хэмжээнд нийтийн тээврээр орон нутаг руу буцах хүсэлтэй 60 мянга гаруй иргэн байгаа. Тиймээс арав хоногийн хугацаанд өдөр бүр 250 гаруй автобусыг хот хооронд зорчуулахаар төлөвлөсөн байна.
Өнөөдрийн 12:00 цагийн байдлаар Баян-Өлгий аймаг руу гэхэд 10 автобусанд 400 орчим иргэд “Драгон” төвөөс хөдлөхөд бэлэн болжээ. Түүнчлэн өдөрт 10 мянга орчим хүнийг хотоос гаргахаар төвлөсөн.
Шаардлагатай гэж үзвэл дөрвөөс таван мянга орчим хүнийг тээвэрлэх автобус нэмж гаргах боломж байгаа гэдгийг холбогдох газраас мэдээллээ.
Мөн иргэд шинжилгээний хариу болон бусад шалтгаанаар зорчих тасалбараа буцаах шаардлага болвол Авто тээврийн үндэсний төвөөс тухайн иргэний тасалбарыг хүчингүй болгож мөнгөн дүнг бүрэн буцаан арга хэмжээ авч ажиллаж байгаа гэлээ.
Харин халдвар гарсан зургаан аймаг болон Өмнөговь аймаг руу буцах хүсэлтэй байгаа иргэдийг хотоос гаргах ажил арванхоёрдугаар сарын 07-оос зохион байгуулагдана.
С.Нарантуул
