Коронавируст халдварыг илрүүлэхээр сүүлийн 24 цагт улсын хэмжээнд хийсэн шинжилгээний хариуг ХӨСҮТ-өөс танилцууллаа.
ХӨСҮТ-ийн Тандалт, судалгааны албаны дарга А.Амбасэлмаа "Улсын хэмжээнд Нэгдүгээр сарын 24-нд 7,065 хүнд коронавирусний PCR шинжилгээ хийхэд 16 хүнд халдвар илэрлээ. Бүгд Улаанбаатар хотод бүртгэгдсэн. Эдгээр нь өмнөх батлагдсан тохиолдлуудын ойрын хавьтлууд бөгөөд ажиглан тусгаарлах байранд тусгаарлагдсан хүмүүсийн анхан болон давтан шинжилгээгээр илэрсэн. Тэдгээрийг задалж танилцуулбал,
-БЗД-ийн хоёрдугаар хорооны нийтийн байрнаас
-ЭМЯ-ны нэг ажилтнаас илэрчээ
-Орон нутаг руу явахаар сайн дураар шинжилгээ өгсөн иргэдээс нэг хүнд коронавирусний халдвар илэрсэн. Үргэлжлүүлэн тандалт судалгаа хийхэд батлагдсан тохиолдлын хавьтал болох нь тогтоогдсон
Улсын хэмжээнд халдварын батлагдсан тохиолдол 1,643 болсон байна. Үүнээс эдгэрсэн 1169 хүн байна" гэв.
