Улаанбаатар хотод гарсан 10 голомтын гурав өндөр идэвхижилттэй байгаа тухай ЭМЯ мэдээллээ. Тэдгээрээс Баянзүрх дүүргийн 17 дугаар хороо юм.
Тус хороонд нэг гэр бүлийн 3-8 хүн өвчилсөн. Тиймээс нийслэлийн эрүүл мэндийн газраас хорооны нийт хүн амын дунд илрүүлэг шинжилгээг эхлүүлсэн байна.
Дээрх халдварын гинжин хэлхээгээр 17 дугаар хорооны ажилтнуудын дундаас 14 хүн өвчилсөн. Ажилтнуудын гэр бүл мөн өвчилж байгаа учраас тус хороогоор сүүлийн долоо хоногийн хугацаанд үйлчлүүлсэн иргэд яаралтай үзлэг шинжилгээнд орох, давтан шинжилгээ өгөх шаардлагатай болохыг ХӨСҮТ-ийн Тандалт судалгааны албаын дарга А.Амбасэлмаа хэллээ.
