Маргааш /2021.01.07/ өглөөнөөс эхлэн нийслэлд тэг зогсолт хийнэ гэдэг худал мэдээ тарснаас үүдэн иргэд дэлгүүр, захуудад бөөгнөрөх хүнсээ нөөцлөх тохиодол өнөөдөр гарсан. Тэгвэл холбогдох байгууллагаас тэг зогсолт хийхгүй гэж албан ёсоор мэдэгдлээ. Тодруулбал, УОК-ын Шуурхай штабын дарга Б.Ууганбаяр "Коронавирусийн халдвартай холбогдуулан иргэдээс шинжилгээ авах ажлыг зохион байгуулж байна. Ингэхдээ "Нэг өрх-нэг шинжилгээ"-г зохион байгуулж байна. Нийслэлийн хэмжээнд 410 мянга гаруй өрхөд шинжилгээ зохион байгуулах судалгааг хийж байна. Түүнээс биш удирдлагын түвшинд 0 зогсолт хийх асуудал яригдаагүй. Улаанбаатар хотод 0 зогсолт хийхгүй ээ гэдгийг хэлье. Тиймээс худал ташаа мэдээлэлд итгэж сандарч, үймэхгүй байхыг анхааруулж байна. Улаанбаатарт 0 зогсолт хийхэд маш хүндрэлтэй, боломжгүй" гэлээ.
Хаяг: Монгол Улс, Улаанбаатар хот, Сүхбаатар дүүрэг, 7-р хороолол “Pro One” оффис 1506 тоот