АН-ын 10 дугаар Их хурал 2020.12.18-ний өдөр зохион байгуулагдаж намын дүрмэнд өөрчлөлт оруулах асуудлыг хэлэлцэн өндөрлөсөн. Ингээд тав хоногийн дараа Улсын дээд шүүхэд тухайн намын дүрмийг бүртгүүлэхээр хүргүүлэхдээ нуусан байсан гол хөзрөө дэлгэж олны нүдийг сэртийлгэж, чихийг дэлдийлгэсэн. Намын их хурлаараа хэлэлцээгүй авч үлдсэн байсан гол заалт буюу намын үндсэн дүрмийн 5.12.4.2.1 дэх хэсэгт “АН-аас Монгол Улсын Ерөнхийлөгчийн сонгуульд нэр дэвшиж, сонгогдон ажиллаж байгаа иргэн дахин нэр дэвших хүсэлт гаргасан тохиолдолд энэхүү дүрмийн 5.12.4.2-д заасан журмыг баримтлахгүйгээр намын Их хурал эсвэл ҮБХ-оор өрсөлдөгчгүйгээр шууд хэлэлцэн шийдвэрлэх” /энэхүү заалт 2021 оны 7 сарын 1 хүртэл хүчинтэй байна/ гэсэн нь зөвхөн Х.Баттулгад нэр дахин дэвших боломжийг олгосон заалт оруулах гэж оролдсон явдал нь АН-ын 10 дугаар их хурал гэгч нь анхнаасаа ерөнхийлөгчийн захиалгаар түүнийг дахин нэр дэвшүүлэх боломжийг дээд шүүхээр батлуулахаар явагдсан байна гэх хардлагыг олон нийтэд төрүүлсэн байна.
МУ-ын Үндсэн хуулийн 30 дугаар зүйлийн 2 дах хэсэгт “Ерөнхийлөгчөөр тавин нас хүрсэн, сүүлийн таваас доошгүй жил эх орондоо байнга оршин суусан, Монгол Улсын уугуул иргэнийг зургаан жилийн хугацаагаар зөвхөн нэг удаа сонгоно” гэсэн заалтийг Ц.Тувааны үндсэн дүрмэндээ оруулах гэж оролдож байгаа 5.12.4.2.1 дэх хэсгийн “..дахин..” гэсэн үгийн сонголт бүхий заалт нь ноцтойгоор зөрчиж байгааг харуулж байгаа юм байна. Өөрөөр хэлбэл үндсэн хуулинд “иргэнийг,...зөвхөн нэг удаа сонгоно” гэж байхад дүрмэндээ “...ерөнхийлөгчид, дахин нэр дэвшүүлнэ.” гэж оруулан дээд шүүхээр батлуулах гэж улайрч байна. Энэ нь Х.Баттулгын дахин ерөнхийлөгч болох гэсэн хүсэлтэй холбоотой бөгөөд өөрийн хүн болох Ц.Тувааныг ашиглан хүслээ гүйцэлдүүлэх гэж хууль зөрчин зүтгэж байна гэх хардлагыг олон нийтэд төрүүлээд байгаа юм.
Ц.Тувааны энэхүү үйлдэл нь Эрүүгийн хуулийн 19.2.1 дэх хэсэгт байх Төрийн эрх мэдлийг хууль бусаар авах, саатуулах гэснийг зөрчсөн гэмт хэргийн завдалт гэж үзсэн АН-ын одоогийн удирдлагуудыг Тагнуулын ерөнхий газарт өргөдөл гаргахад хүргэсэн байна.
Элдвийн хэл аманд өртөөд л хэн юү ч гэж хэлсэн гомдол гаргаад л байх чинь яасан завтай сайд вэ Навчаа ч гэсэн хэрүүл хийж явах ямар их сонирхолтой хүүхэн бэ мах ховордход богтос чөмөг ахлах гэж одоо цагт л жүжигчин юм байхдаа харин сэтгүүлчид бол болдгүй хүмүүс шүү ард иргэдээ үнэн зөв гэрэл гэгээтэй өөдрөг зүйлийг бичиж ярьж нийтлэхийн оронд дан ховоор хөөцөлдхийг сэтгүүлч гэдэг юм уу Галаарид нь тийм болхоор дуурайх юм даа