Эрүүл мэндийн ээлжит хэвлэлийн хурлаар коронавируст халдварын шинжилгээний хариуг ХӨСҮТ-ийн Тандалт судалгааны албаны дарга А.Амбасэлмаа танилцуулсан юм.
Өнгөрсөн 24 цагийн хугацаанд 11581 хүнд шинжилгээ хийсэн. Үүнээс 22 хүн халдвар авсан тогтоогдсон байна.
Эдгээр тохиолдлуудын хувьд бүгд Улаанбаатар хотод гарсан голомтуудтай холбоотой бөгөөд дээрх 22 тохиолдлын 12 нь БЗД-ийн нэгдсэн эмнэлэгийн голомтоос гарсан. Үүний дөрөв нь тус эмнэлэгт ажиллаж байсан сувилагчийн гэр бүлийн хүмүүс гэлээ.
Үлдсэн 10 тохиолдлын хувьд нийслэлд гарсан бусад халдварын голомттой хавьтал болж тусгаарлагдаж байсан хүмүүс бөгөөд тэдгээрийн хоёр болон гурав дахь давтан шинжлгээгээр халдвар илэрсэн байна.
Ингээд Улаанбаатар хотод батлагдсан халдварын нийт тохиолдол 491 боллоо.
