Эрүүл мэндийн яамны ээлжит хэвлэлийн хурлаар коронавирус илрүүлэх шинжилгээний хариуг ХӨСҮТ-ийн Тандалт судалгааны албаны дарга А.Амбасэлмаа танилцууллаа.
Тэрээр өнгөрсөн 24 цагийн хугацаанд нийт 13597 хүнд шинжилгээ хийсэн. Үүнээс 20 хүнд халдвар илэрлээ.
Үүнээс БЗД-ийн эмнэлэгийн голомтоос 16 хүн халдвар авсан байна. Харин Франкурт-Улаанбаатар чиглэлийн нислэгээр ирсэн хоёр хүний гурав дахь давтан шинжилгээгээр коронавирус илэрлээ.
Мөн хавдар судлалын үндэсний төвөөс гарсан халдварын хавьтал болсон тус эмнэлэгийн эмч, нягтлан бодох бүртгэлийн ажилтан халдвар авсан гэлээ.
Харин өнөөдрийн байдлаар эмчлэгдэж байгаа хүмүүсээс хоёр хүний биеийн байдал маш хүнд байгаа бол биеийн байдал хүнд долоо, хүндэвтэр 99 өвчтөн байна.
