Эрүүл мэндийн яамны ээлжит мэдээллийн үеэр "Чингэлтэй дүүргийн цагдаагийн хоёрдугаар хэлтсийн ажилтан болон "Тэнүүн-Огоо" ХХК-ийн автобусны жолоочоос халдвар илэрсэн эсэхийг сэтгүүлчид тодруулж асуулаа.
Асуултад ХӨСҮТ-ийн Тандалт, судалгааны албаны дарга А.Амбасэлмаа хариулахдаа:
"Тэнүүн-Огоо" ХХК-ийн автобус баазын жолоочоос халдвар илэрсэн. Жолооч хамгийн сүүлд ажилдаа арванхоёрдугаар сарын 24-нд очсон. Түүний Гэр бүлийнх нь хүн БЗД-ийн эмнэлэгт сахиур хийж байгаад коронавирусийн халдвараар өвчилж түүнд халдвар тараасан гэлээ.
Мөн Тэнүүн-Огоо" ХХК-нд 90 гаруй жолооч ажилладаг бөгөөд уг жолооч Чингэлтэй, Зунжин гэсэн хойд чиглэлд явдаг.
Тиймээс тухайн автобусанд, ойрын хавьтал болсон 10 гаруй хүнийг тусгаарласан. Бусад хавьтлын 80 хүнээс шинжилгээ авсан. Арванхоёрдугаар сарын 20-24-ний өдрүүдэд тухайн автобусаар үйлчлүүлж байсан иргэд цэгүүдэд шинжилгээ өгөх шаардлагатай гэдгийг хэллээ.
Харин Чингэлтэй дүүргийн цагдаагийн хоёрдугаар хэлтсийн ажилтан халдвар авсан нь үнэн. Түүний гэр бүлийнх нь хүн халдвартай байсан учир ойрын хавьтал гэж тусгаарлагдсан байсан. Арванхоёрдугаар сарын 21-нд хоёр дахь хавьтал гэж үзэн Чингэлтэй дүүргийн цагдаагийн хоёрдугаар хэлтсийн ажилтнуудыг шинжилгээнд хамруулсан. Тухайн үед ажилтнуудын шинжилгээнд коронавирус илрээгүй. Мөн өргөжүүлсэн байдлаар цагдаагийн хэлтсийн 254 хүнээс шинжилгээ авч байна гэлээ.
