Эрүүл мэндийн яамны ээлжит мэдээллээр хоногийн хугацаанд хийгдсэн коронавирус илрүүлэх шинжилгээний хариуг ХӨСҮТ-ийн Тандалт судалгааны албаны дарга А.Амбасэлмаа танилцууллаа.
Тэрээр өнгөрсөн хоногийн хугацаанд 14035 хүнд PCR-ийн шинжилгээ хийхэд 38 хүнээс халдвар илэрлээ. Эдгээр тохиолдлууд Улаанбаатар хотод бүртгэгдсэн.
БЗД-ийн эмнэлэгээс гарсан халдварын тохиолдол гучин зургаагаар нэмэгдлээ. Эдгээр хүмүүсийн хоёр нь тус эмнэлэгийн эмч, сувилагч байсан бол Цэргийн төв эмнэлэгийн бас нэг эмчээс халдвар илэрсэн гэлээ.
Харин дотоодод халдвар бүртгэгдсэн өдөр буюу арваннэгдүгээр сарын 11-ээс хойш нийт 40 гаруй эмч эмнэлэгийн ажилтан халдвар авсан гэдгийг тэрээр мэдээлсэн юм.
