Өнөөдрийн Эрүүл мэндийн яамны ээлжит мэдээллийг ХӨСҮТ-ийн Тандалт судалгааны албаны дарга А.Амбасэлмаа танилцууллаа.
Тэрээр өнгөрсөн 24 цагийн хугацаанд 8894 хүнд PCR ийн шинжилгээ хийсэн. Эдгээрээс 16 хүнд халдвар илэрлээ. Халдварын тохиолдлууд нь бүгд Улаанбаатар хотод бүртгэгдсэн.
Дээрх 16 хүний арав нь БЗД-ийн Нэгдсэн эмнэлэгийн голомтоос халдвар авсан нь тогтоогдсон.
Харин үлдсэн зургаан тохиолдлын хувьд 14 хоногийн тусгаарлалтанд байсан Цэргийн төв эмнэлэгт эрүүл мэндийн үйлчилгээ үзүүлдэг эмч, сувилагч, ариутгагч нарын долоо дахь хоногт коронавирус илэрсэн гэдгийг тэрээр хэллээ.
Эрүүл мэндийн ажилчид халдвар авах нь цар тахал дэгдсэн ийм нөхцөл байдлын үед гарч болох эрсдлийн нэг гэж ДЭМБ-ийн байгууллагаас үзэж байгаа мөн эдгээр хүмүүс олон цагаар хүнд нөхцөлд ажилладаг учраас ядарч байгаа тиймээс олон нийт зөвөөр ойлгоорой гэж ХӨСҮТ-ийн Тандалт судалгааны албаны дарга А.Амбасэлмаа тайлбар өглөө.
