Хулгайн хэрэгт холбогдсон монголчуудын мэдээлэл Вьетнамын хэвлэлээр хамгийн хандалттай байна. Тодруулбал, tuoitrenews хэмээх Вьетнамын өдөр тутмын сонины цахим сайтад бямба гарагт нийтэлсэн “Ханой хотын цагдаагийн газар Монголын хулгайн гэмт бүлэглэлийг баривчилжээ” гарчигтай нийтлэл “Most viewed” буюу өндөр уншилттай мэдээнийх нь жагсаалтад багтжээ.
Тус мэдээнд, 2022 оны зургаадугаар сарын 3-ны өдөр Вьетнамын Ханой хотын цагдаа нар Швед хосын хөрөнгийг хулгайлсан байж болзошгүй найман монгол иргэнийг баривчилсан бөгөөд хэргийг Хоан Кием дүүргийн цагдаагийн газарт шалгаж байна гэжээ. Мөн монгол болон швед хосын мэдүүлгийг дэлгэрэнгүй мэдээлсэн байна.
Тухайлбал, Швед хосууд Ли Куок Су гудамжинд байрлах ресторанд оройн хоол идэж байх зуураа сууж байсан сандал дээрээ цүнхээ өлгөсөн байжээ. Энэ үед зэргэлдээх ширээнд Монголын дөрвөн иргэн орж ирсэн боловч хоол, ундаа захиалгүйгээр хэдэн минутын дараа гарч одсон нь камерын бичлэгт үлдсэн байна. Хосууд зочид буудалдаа иртэл нөхрийнх банкны данснаас нэг тэрбум ВНД буюу 43,150 ам.доллартай тэнцэх хэмжээний мөнгө гарсан тухай мессеж ирсэн аж. Ингээд тэрээр үүргэвчээ шалгатал АТМ карт болон хувийн бичиг баримтууд байсан түрийвч нь алга болсон байжээ.
Хосуудын гомдлын дагуу цагдаа нар шалгалтын ажиллагаа явуулж, дээрх монгол иргэдийн Ханойд түр оршин суух хаягийг нь тогтоосон боловч тэндээсээ хэдийнээ явсан байж. Ингээд эрэн хайх ажиллагааг үргэлжлүүлж, зургаадугаар сарын 4-ний өдөр нэг монгол иргэнийг нь Хоан Кием нуурын орчмоос олсон бол бусдыг нь Камбож руу зугтахаар зэхэж байх үед баривчилсан талаар мэдээлжээ.
Сэжигтнүүд Швед хосын хэтэвчийг хулгайлсан хэргээ хүлээсэн байна. Тэд зээлийн картаар нь Ханой хотын хэд хэдэн дэлгүүрээс алт, үнэт эдлэл худалдан авч, түүнийгээ өөр нэг дэлгүүрт 21,700 доллараар зарж, мөнгөө хуваалцсан болохоо цагдаад мэдүүлсэн байна.
Мөн тэд мөрдөн байцаагчдад гадаадын аялагчдын эд хөрөнгийг хулгайлах зорилгоор Вьетнамд ирсэн гэдгээ ч хүлээжээ.
Дээрх иргэд Монголын “AirPlane Travel” хэмээх аяллын компаниар дамжин Вьеьтнам руу очсон тухай тус компанийн захирал Х.Санжаасүрэн цахим хуудастаа бичээд байсан билээ. Гэвч тэрээр хэргийн талаарх мэдээллийг нийтэлсэн дариудаа устгаж, дараа нь “Сүүлийн постоо устгачихлаа. Хулгайн сэдэлтэй явж байгаа хүмүүс анхаараарай” хэмээсэн байна.
Эх сурвалж: tuoitrenews
europiig ugui mon olon jil tsolomloo doo manai mongolchuud.Jdahad dandaa huuhnuud hulgai hiihiig ni jaana.Ihenh ni uvs zavhaniihan baidag shuu er ni.Darhan Erdenet Selengees irsen uvs zavhan garaltai nohduud gollono doo.
Mongolchuud haanch yavsan dandaa hulgai hiij yavdag humuusdee